Real Jaén Club de Fútbol

Real Jaén
Nome	Real Jaén Club de Fútbol
Fundación	1929
Estadio	Nuevo Estadio de la Victoria, Xaén, España
Inauguración	2001
Capacidade	12.800
Presidente	Rafael Teruel
Adestrador	Salva Ballesta
Liga	3ª - Grupo 9
2016–17	19º (2ªB – Grupo 4)
Na rede
http://www.realjaen.com/
Titular Alternativo

O Real Jaén Club de Fútbol é un club de fútbol da cidade de Xaén, España. Actualmente milita no grupo 9 da Terceira División. Con 71 puntos, cultivados en tres tempadas, o Real Xaén ocupa a 49ª posición na Clasificación histórica de Primeira División.

O escudo do Real Jaén ten forma semellante a un corazón, aínda que cun pequeno pico cara a arriba. De bordos morado, en fondo branco figura o nome da cidade, sobre as letras C e F entrelazadas. Na parte superior ten unha coroa, que representa o título de Real que ostenta o Jaén.

• Uniforme titular: Camiseta, pantalón e medias brancos, con algúns detalles, reberetes ou ata as mangas en morado.
• Uniforme alternativo: Camiseta, pantalón e medias morados, con detalles ou reberetes en branco.
• Terceiro uniforme: Como tal non existe, pero ante equipos con pantalón claro e camiseta escura o Real Jaén utiliza a camiseta do primeiro equipamento e os pantalóns e medias da segunda. Ocasionalmente pode ocorrer ao contrario, tendo que vestir a camiseta do segundo equipamento e os pantalóns e medias da primeira.

Inaugurado en 2001, con capacidade para 12.569 persoas. O primeiro partido oficial que se xogou nel, foi o que enfrontou ao Real Jaén co Poli Ejido na 2ª xornada da liga 2001-2002 en Segunda división, sendo o resultado final a vitoria por 3 a 1 do conxunto jiennense.

• Tempadas en 1ª: 3
• Tempadas en 2ª: 16
• Tempadas en 2ª B: 31
• Tempadas en 3ª: 25 (incluída a 2017/18)
• Mellor posto na liga: 14º (1ª División tempadas: 53-54 e 56-57)
• Peor posto na liga: 16º (1ª División tempada 57-58)
• Maior goleada conseguida na casa en 1ª: 6-1 ao Sporting de Gijón (tempada 53-54)
• Maior goleada conseguida fora en 1ª: 1-2 ao RCD Espanyol (tempada 53-54)
• Maior goleada encaixada na casa en 1ª: 2-4 fronte ao Real Madrid (tempada 53-54)
• Maior goleada encaixada fora en 1ª: 7-1 fronte ao Real Madrid (tempada 53-54)