Modification de JavaServer Pages

{{infobox/articulo/generic}}
In [[informatica]] '''JavaServer Pages''', usualmente indicate con le abbreviation '''JSP''' (legite anque alcun vices como '''Java Scripting Preprocessor'''), es un technologia de [[programmation web]] in [[Java (linguage de programmation)|Java]] pro le disveloppamento del "logica de presentation" (typicamente secundo le patrono [[Modello-Vista-Controllator]] (MVC)) de [[application web|applicationes Web]], pro provider [[paginas web dynamic|contentos dynamic]] in formato [[HTML]] o [[XML]]. Illo se basa sur un ensemble de [[Etiquetta de HTML|etiquettas de HTML/XML]] special, intra un [[pagina web]] [[HTML]], con le qual on pote invocar [[function (informatica)|functiones]] predefinite in forma de [[codice fonte|codice]] [[Java (linguage de programmation)|Java]] ([[JSTL]]) e/o functiones [[Javascript]]. In addition, illo permitte de crear bibliothecas de nove etiquettas que extende le ensemble del etiquettas standard (JSP [[Custom Tag Library]]). Le bibliothecas de etiquettas JSP pote esser considerate extensiones [[portabilitate|independente del platteforma]] del functionalitate de un [[servitor web]].

==Description==
In le contexto del platteforma [[Java (linguage de programmation)|Java]], le technologia JSP es correlate con isto del [[servlet]]: al tempore del prime invocation, le [[Pagina web|paginas web]] JSP es de facto [[compilator|traducite]] automaticamente per un [[compilator]] JSP a in [[servlet]]. Un [[pagina web]] JSP pote dunque esser vidite como un representation de alto nivello de un [[servlet]]. A causa de iste dependentia conceptual, anque le uso del technologia JSP require le presentia, super le [[servitor web]], de un ''[[servlet container]]'', ultra que de un servitor specific JSP dicite "[[JSP engine|motor JSP]]" (que include le [[compilator]] JSP); usualmente, ''servlet container'' e motor JSP es integrate in un unic producto (per exemplo, [[Apache Tomcat|Tomcat]] exeque ambe le functiones).

JSP es un technologia alternative in comparation a numerose altere approches al generation de [[Pagina web|paginas web]] dynamic, per exemplo [[PHP]], o [[Active Server Pages|ASP]] o le plus traditional [[Common Gateway Interface|CGI]]. Illo differe de iste technologias non tanto per le typo de contentos dynamic que pote esser producite, quanto per le architectura interne del software que constitue le application web (e, de consequentia, sur le tempores de disveloppamento, le [[portabilitate]], le [[modificabilitate]], le performantias, e altere aspectos de [[qualitate del software]]).

=== Paradigma MVC ===
[[Sun Microsystems]] recommenda de usar le [[patrono de designo|patrono]] [[Modello-Vista-Controllator]] (MVC) con le [[Pagina web|paginas web]] JSP de maniera a divider le nivello de presentation ab isto del elaboration del requesta e ab le memorisation del [[Dato|datos]]. Le normal [[servlet]] o [[pagina web]] JSP dedicate es usate pro tractar le [[Dato|datos]]. Post que le eleboration es terminate, le controlo passa a un [[pagina web]] JSP que serve solo a visualisar le rendimento. Iste ultima [[pagina web]] JSP deberea continer solo [[HTML]], [[XML]] e action e etiquetta JSP; le [[pagina web]] deberea facer uso del [[JavaBeans]] pro obtener le [[Dato|datos]].

In altere terminos in le disveloppamento de un [[application web]] le convention vole que in le JSP il ha minus de codice [[Java (linguage de programmation)|Java]] possibile e illo presente va reclamar codice [[Java (linguage de programmation)|Java]] native ([[Objecto (informatica)|objectos]] e [[methodo (programmation)|methodos]]) implementate in classes separate special dicite exactemente [[JavaBeans]]. Iste separation permitte de facto un facile [[reuso de codice]] del [[JavaBeans|Javabeans]] un vice reclamate in un qualcunque puncto requirite del application web.

== Structura de un pagina JSP ==
Un '''pagina JSP''' es un documento de texto, scribite con un [[syntaxe]] specific, que representa un [[pagina web]] de contento partialmente o totalmente dynamic. Per elaborar le [[pagina web]] JSP, le motor JSP produce dynamicamente le [[pagina web]] [[HTML]] final que essera presentate al [[navigator web]] del [[usator]]. Le [[pagina web]] JSP pote continer tres typos de elementos, le quales corresponde a tres diverse modos de elaboration: '''contentos static''', '''directivas''' e '''scripto'''.

=== Contentos static ===
Le contentos static es portiones del [[pagina web]] JSP que debe esser mantenite integralmente in le [[pagina web]] generate dynamicamente, sin alcun elaboration. Illos debe dunque esser scribite in le [[linguage de marcation]] del qual le cliente pote beneficiar directemente, per exemplo [[HTML]] (si le cliente es un [[navigator web]]), [[Wireless Markup Language|WML]] (si le cliente es un [[telephono mobile]] que accede al [[pagina web]] in [[Wireless Application Protocol|WAP]]) o [[XML]] (varie typos de cliente).

=== Directivas ===
Le directivas JSP pote esser interpretate como commandos al motor JSP. Iste commandos es exequite in un phase de pretractamento, prime que le portiones del [[pagina web]] contenente [[scripto]] es elaborate. Le duo directivas principal es <code>include</code> e <code>page</code>.
* <code>include</code>: ordina al motor JSP de includer un altere [[file]] in isto currente. Illo es un operation equivalente a isto de [[copia e colla|copiar e collar]] le contento del [[file]] indicate in isto currente. (Un directiva de iste typo es simile a ist previdite per le [[preprocessator]] del [[C (linguage de programmation)|C]]/[[C++]]). Iste directiva pote esser usate, per exemplo, pro realisar contentos recurrente in diverse [[Pagina web|paginas web]] de un [[sito web]].
:<source lang="xml"><%@ include file="fileaincluder.ext" %></source>
* <code>page</code>: il ha numerose variationes del directiva <code>page</code>, con scopios plus tosto diverse inter illos:
: <code>page import</code> corresponde al <code>import</code> [[Java (linguage de programmation)|Java]], e indica qual [[classe (informatica)|classes]] essera usate in le resto del documento;
::<source lang="xml"><%@ page import="java.util.*" %> //importa tote le classes del pacchetto java.util</source>
: <code>page contentType</code> indica in qual formato le documento sia scribite (per exemplo [[HTML]] o [[XML]])
::<source lang="xml"><%@ page contentType="text/html" %></source>
: <code>page errorPage</code> specifica le "pagina de error" que debe esser visualisate si le elaboration del [[pagina web]] dynamica face fiasco in sequito de verificar si de alcun [[gestion del exceptiones in Java|exception]]
: <code>page isErrorPage</code> indica si isto currente es un pagina de error
::<source lang="xml"><%@ page isErrorPage=false %> //specifica que isto non es un pagina de error</source>
: <code>page isThreadSafe</code> indica si le [[servlet]] generate per le [[pagina web]] JSP es ''[[thread safe]]''
: <code>page taglib</code> indica que le [[pagina web]] JSP face uso de un [[bibliotheca de etiquettas]]. Le bibliotheca debe esser identificate per un [[Uniform Resource Identifier|URI]] (Uniform Resource Identifier)
::<source lang="xml><%@ taglib prefix="myprefix" uri="taglib/mitaglib.tld" %></source>

=== ''Scripting'' ===
Le tertie categoria de elementos presente in un [[pagina web]] JSP es fragmentos de [[codice original]] in [[Java (linguage de programmation)|Java]]. Iste fragmentos de codice es dunque exequite per le [[Machina virtual Java|Machina Virtual Java]] e produce in rendimento un texto, que va contribuer al fonte del [[pagina web]] in via de generation. Le invocation de codice [[Java (linguage de programmation)|Java]] es le clave del generation de [[Pagina web|paginas web]] dynamic in JSP; per exemplo, le [[Pagina web|paginas web]] JSP de un [[sito web]] de [[commercio electronic|compras ''online'']] poterea includer codice [[Java (linguage de programmation)|Java]] que verifica le disponibilitate de un producto e genera in rendimento un [[pagina web]] que reporta iste information.

==== Declarationes ====
Le [[pagina web]] JSP pote includer declarationes de [[variabile de instantia|attributos]] e [[methodo (programmation)|methodos]], introducite per le sequentia <code><%!</code>. Tal [[Attributo|attributos]] e [[Methodo|methodos]] devenira parte del classe "[[servlet]]" generate per le [[compilator]] JSP (lor position intra le texto del [[pagina web]] JSP es irrelevante). Le disveloppator qui ha familiaritate con le technologia [[servlet]] pote exploitar iste possibilitate, per exemplo, pro redefinir le "[[Methodo|methodos]] de cyclo de vita" del [[servlet]], como <code>jspInit</code>.

<source lang="xml"><%! int serverInstanceVariable = 1; %></source>

==== Expressiones ====
Le expressiones es introducite per le sequentia <code><%=</code>, e contine un qualcunque expression [[Java (linguage de programmation)|Java]]. Durante le elaboration del [[pagina web]] JSP, le expression es evalutate per le motor JSP, le resultato es convertite in serie de characteres, e le serie immergite in le codice [[HTML]]/[[XML]] in le puncto correspondente a isto ubi le expression mesme appareva.
<source lang="xml">
<body>
	Vos es le usator registrate nr. <%= registroUtenti.conta() %>
<body>
</source>

==== Scriptlet ====
Le scriptlets es fragmentos de codice immergite in un qualunque puncto del texto. Conceptualmente, on pote immaginar que durante le construction del [[pagina web]] dynamic, le motor JSP include sin elaborationes le contentos static, in procedente ab alto verso le basso in le documento, e exeque immediatemente eventual scriptlet incontrate durante le operation. Technicamente, iste scriptlets es includite in le [[Methodo|methodos]] del [[servlet]] generate per le [[pagina web]] JSP, intra le [[Methodo|methodos]] que produce le responsa a un requesta [[Hyper Text Transfer Protocol|HTTP]].

==== Variabiles implicite ====
Le elementos de codice in un [[pagina web]] JSP pote referer se a un ensemble de variabiles predefinite:
: <code>out</code>: representa le [[stream|fluxo]] de rendimento super le qual le [[pagina web]] es producite. On tracta de un [[Objecto (informatica)|objecto]] de classe <code>JSPWriter</code>. Su uso es sovente implicite (per exemplo in le expressiones), sed si il es necessari, on pote referer se a iste variabile
: <code>page</code>: representa le [[servlet]] generate per le [[pagina web]] JSP
: <code>pageContext</code>: un [[Objecto (informatica)|objecto]] de classe <code>PageContext</code>, que contine [[Dato|datos]] associate al [[pagina web]]. Le [[Objecto (informatica)|objecto]] pote esser transferite ab un [[pagina web]] JSP a un altere
: <code>request</code>: le [[Objecto (informatica)|objecto]] de classe <code>HttpServletRequest</code> que representa le requesta [[Hyper Text Transfer Protocol|HTTP]] que ha portate al activation del [[pagina web]] JSP/[[servlet]]
: <code>response</code>: le [[Objecto (informatica)|objecto]] de classe <code>HttpServletResponse</code> que representa le responsa [[HTTP]] a inviar
: <code>session</code>: le [[Objecto (informatica)|objecto]] de classe <code>HttpSession</code> que representa le session [[HTTP]] intra le qual le [[pagina web]] JSP ha essite invocate 
: <code>application</code>: illo permitte de acceder e de memorisar le [[Objecto (informatica)|objectos]] pro render illos accessibile a un qualcunque [[usator]] e modificabile de cata [[pagina web]]
: <code>config</code>: illo es sovente lassate inusate, visto que le informationes mittite a disposition per iste [[Objecto (informatica)|objecto]] implicite es generalmente ponite e relevate in automatico.

=== Actiones JSP ===
Le actiones JSP es etiquettas [[XML]] que permitte de controlar alcun aspectos del comportamento del [[servitor web]]. Alcun exemplos es le sequentes:
:<code><nowiki>jsp:include</nowiki></code>: cede le controlo a un altere [[pagina web]] JSP, con retorno del controlo a elaboration terminate; simile a un [[appello de procedura]]
:<code><nowiki>jsp:forward</nowiki></code>: cede le controlo, definitivemente, a un altere [[pagina web]] JSP
:<code><nowiki>jsp:param</nowiki></code>: introduce un parametro additional in le contexto de actiones como <code>include</code> e <code>forward</code>.

== Bibliothecas de etiquettas JSP ==
Ultra al actiones predefinite, le disveloppatores pote adder ''action'' disveloppate per illes pro usar le API pro le extensiones del etiquettas JSP. Le disveloppatores scribe un classe [[Java (linguage de programmation)|Java]] que implementa un del [[Interfacie|interfacies]] Tag e provide un descrition [[XML]] del bibliotheca in le qual on specifica le etiquettas e le classes [[Java (linguage de programmation)|Java]] que lo implementa.

Considera le sequente codice:
<source lang="xml">
<%@ taglib uri="mytaglib.tld" prefix="myprefix" %>
...
<myprefix:myaction> <%-- le etiquetta de apertura %>
...
</myprefix:myaction> <%-- le etiquetta de clausura %>
...
</source>
Le [[compilator]] JSP cargara le [[file]] <code>mytaglib.tld</code> e videra que le etiquetta <code>myaction</code> es implementate per le classe <code>MyActionTag</code>. Le prime vice que le etiquetta es usate in le [[file]], un instantia de <code>MyActionTag</code> essera create. Dunque (e cata vice que le etiquetta es usate), le [[methodo]] <code>doStartTag()</code> essera invocate quando le etiquetta de apertura es incontrate. Le resultato del etiquetta de apertura es examinate e on determina como tractar le contento del etiquetta. Le contento es le texto inter le etiquettas de apertura e de clausura. Le [[methodo]] <code>doStrtTag()</code> pote restituer un del valores sequente:
* <code>SKIP_BODY</code> - le contento del etiquetta non essera examinate.
* <code>EVAL_BODY_INCLUDE</code> - illo tracta le contento del etiquetta.
* <code>EVAL_BODY_TAG</code> - illo tracta le contento del TAG e invia le resultato in le stream de rendimento.
'''NOTA''': si le etiquetta extende le classe <code>BodyTagSupport</code> illo essera invocate quando le corpore ha essite tractate a pena ante invocar le [[methodo]] <code>doEndTag</code>. Iste [[methodo]] es usate pro implementar constructiones de buclas.

Quando le etiquetta de clausura es incontrate, le [[methodo]] <code>doEndTag</code> es invocate. Iste methodo pote restituer un del valores sequente.
* <code>EVAL_PAGE</code> - illo indica que le resto del [[pagina web]] JSP debe esser tractate.
* <code>SKIP_PAGE</code> - illo indica que il non debe haber ulterior elaborationes. Le controlo lassa le [[pagina web]] JSP. Illo es empleate per le actiones in avante.

Le etiquetta <code>MyAction</code> describite in alto poterea haber un implementation simile a iste:

<source lang="java">
public class MyActionTag extends TagSupport 
{
	//Releases all instance variables.
	public void release() {...}

	public MyActionTag() { ... }
		
	//called for the start tag
	public int doStartTag() { ... }

	//called at the end tag
	public int doEndTag() throws JspTagException { ... }
}
</source>
== Internationalisation ==
Le internationalisation del [[Pagina web|paginas web]] JSP es obtenite mediante le mesme technica usate in le normal applicationes [[Java (linguage de programmation)|Java]], in altere parolas in usante le ''[[resource bundles]]''.

== Exemplos ==
Le sequente fragmento suggere como on poterea crear un intestation a diverse [[Pagina web|paginas web]], de sorta que le presentation pote variar in alcun detalio (per exemplo, per render non cliccabile le ligamine al [[pagina web]] currente):

<source lang="xml">
<jsp:include page="intestation.jsp" > //include un parte standard
	<jsp:param name="istepagina" value="contacts"/> //forni informationes specific
</jsp:include>
</source>

Le proxime exemplo illustra como diriger in modo uniforme le insertion de un [[applet Java]] in un [[pagina web]]. Ante le advento del etiquetta <code>OBJECT</code>, il non existeva un methodo univoc pro integrar le [[applet Java]]. Iste etiquetta es bastante tenue e on spera que in le futuro illo essera integrate in maniera de supportar attributos dynamic. Al stato actual, le etiquetta non supporta de appellar dynamicmente al [[applet Java]]; per exemplo, si il ha un [[applet Java]] que designa un grafico que require que le punctos sia passate como parametros, on non pote usar le etiquetta <code>jsp:params</code> a minus que le punctos non es constante. Il non es possibile dunque, iterar super un ResultSet pro crear le etiquetta de <code>jsp:param</code>. Bisogna dunque diriger a mano cata etiquetta de <code>jsp:param</code>; cata un de iste etiquettas comocunque pote haber un nomine dynamic e un contento dynamic.
<source lang="xml">
<jsp:plugin type=applet height="100%" width="100%"
	archive="myjarfile.jar,myotherjar.jar"
	codebase="/applets"
	code="com.foo.MyApplet" >
	<jsp:params>
		<jsp:param name="enableDebug" value="true" />
	</jsp:params>
	<jsp:fallback>
		Your browser does not support applets.
	</jsp:fallback>
</jsp:plugin>
</source>

In le sequente fragmento, un [[Objecto (informatica)|objecto]] con nomine <code>myBean</code> es create o rendite accessibile. Illo pertine al classe <code>MyBean</code> del pacchetto <code>com.foo</code> e que essera accessibile per tote le duration del requesta. Isto significa que le [[Objecto (informatica)|objecto]] essera accessibile e valide in tote le [[Pagina web|paginas web]] que es riappellate per le etiquetta <code>jsp:include</code> e <code>jsp:forward</code> ab le [[pagina web]] que primemente ha recipite le requesta. Le attributo <code>scope</code> pote haber le sequente valores:
* <code>request</code> - le attributo essera valide in toto pro tote le duration del requesta. Quando le requesta habera essite processate per tote le [[Pagina web|paginas web]] JSP, le [[Objecto (informatica)|objecto]] essera dereferentiate.
* <code>page</code> - le attributo essera disponibile solo per le [[pagina web]] currente.
* <code>session</code> - le attributo es disponibile pro tote le duration del session del [[usator]].
* <code>application</code> - le attributo es disponibile pro cata instantia e non es jammais dereferentiate. Illo es lo mesme de definir un variabile static o global.
<source lang="xml">
<jsp:useBean id="myBean" class="com.foo.MyBean" scope="request" />
<jsp:getProperty name="myBean" property="lastChanged" />
<jsp:setProperty name="myBean" property="lastChanged" value="<%= new Date()%>" />
</source>

== JSP 2.0 ==
Le nove version del specification JSP include nove functionalitate designate a incrementar le productivitate del disveloppator. In detalio:
* un Expression Language (EL) que permitte al disveloppatores de crear patronos de stilo (como illos de [[Jakarta Velocity|Velocity]]);
* un methodo plus simple e veloce de crear nove etiquettas.

== Ligamines externe ==
{{commonscat|Jakarta Server Pages}}
* [http://www.oracle.com/technetwork/java/javaee/jsp/|Pagina official]
* [http://java.sun.com/developer/onlineTraining/JSPIntro/ Tutorial official Sun]
* [http://www.courses.coreservlets.com/Course-Materials/ Tutorial e guide free] {{Webarchive|url=https://web.archive.org/web/20070119124040/http://www.courses.coreservlets.com/Course-Materials/ |date=2007-01-19 }}

{{traduction|it|JavaServer Pages|80464041}}
[[Categoria:Platteforma de interprisa Java]]