Gerardus Müller

Gerardus Müller (natus Nordlingae die 3 Novembris 1945, eodem loco die 15 Augusti 2021 mortuus) fuit pedlusor Germanicus, qui multos annos - accurate ab anno 1964 usque ad 1979 - cum grege FC Bayern München (Bavaria Monacum) ludebat. Etiam Turmae Pedilusoriae Nationalis Germanicae pedilusor erat.

365 portis in 427 ludis propulsis Müller in Germania simul et nationis pyrobolarius (Theodisce: Bomber der Nation) nominatus est et primus efficacissimorum lusorum ligaminis foederalis pedilusorii Germanici fuit, pariter unus ex oppugnatoribus optimis omnium temporum. Anno 1970 folle aurario pedilusor annuus Europaeus declaratus est.

Ab anno 1964 usque ad annum 1979 pedilusor solum Bavariae Monaci plura praemia vicit. Cum turma pedilusoria nationali Germaniae anno 1972 Certamen Europaeum Pedilusorium et anno 1974 Certamen Mundanum Pedilusorium vicit.

Annis officii posterioribus sui, inter annos 1992 et 2014, G. Müller coexercitator manus secundi Bavariae Monaci laborabat.

Anno 2021 morbi Alzheimeriani detrimentis mortuus est.

Vita

Pedilusor primi anni

Iam in iuventute sua Gerardus Müller in via felle ludebat. Anno 1957, duodecim annos natus, gregem pedilusorium TSV 1861 Nördlingen (grex artium athleticarum Nordlingae, anno 1861 fundatus) intrat, quo virtutes ut oppugnator ostendabat: annis 1962 et 1963 portas 180 propulit^[1].

Anno 1964 pedilusor Bavariae Monaci factus est.

Turma Pedilusoria Nationalis Germanica

Mense Octobri 1966 dignitatis accessio eius ludo contra turmam Turcicam Ankarae coepit. Mense Aprili 1967, ludo ineunte secundo suo contra Albaniam, primas portas quattuor ex 68 suis propulsit. Annis 1970 et 1974 certaminibus mundialibus pedilusoriis collusit. Postea secessit.

Ultimi anni et mors

Anno 2015 in Gerardo Müller morbus Alzheimerianus dignotus est. Die 15 Augusti 2021 mortuus est.

Modus ludendi eius

Cognomen suum Theodiscum pyrobolarii nationis ad modum ludendi suum haud referebat. Gerardus Müller vero oppugnator areae poenalis erat, ita ut ei non propulsus fortissimus, sed motus versationesque pernices proprii fuissent.

Notae

↑ Diarium Germanicum Australe (mense Maio, 2010): Pyrobolarius Nordlingae (Theodisce)

Nexus interni

Nexus externi

Vicimedia Communia plura habent quae ad Gerardus Müller spectant (Gerardus Müller, Gerd Müller (footballer)).

Opera ab hoc homine vel de eo scripta apud Bibliothecam Nationalem Germanicam (Theodisce)

David's face

Haec stipula ad biographiam spectat. Amplifica, si potes!

[1] Diarium Germanicum Australe (mense Maio, 2010): Pyrobolarius Nordlingae (Theodisce)

[1]