Ännern vun Library of Congress Control Number

De '''Library of Congress Control Number''' ('''LCCN''') is een [[Identifikater]] för enen katalogiseerten Datensatz, den de [[Vereenigte Staten|US-amerikaansche]] [[Library of Congress|''Library of Congress'']] (Kongressbökeree) in [[Washington, D.C.|Washington, D. C.]] verdeelt. De LCCN, to Anfang „Library of Congress ''Catalog'' Card Number“, is dat Datenbank-Kennteken för enen Indraf in de US-amerikaanschen [[Natschonaalbibliografie]] mitsamts de Normdaten. Vun 1901 an, bet dat de ''Library of Congress'' dat Datenformaat [[Machine-Readable Cataloging|MARC]] (Machine-Readable Cataloging) inföört het, kunnen de [[Bökeree|Bökereen]] in den [[Vereenigte Staten|Verenigten Staten]] ünner düsse Nummer Katalogkaarten bi de Kongressbökeree bestellen, so dat de Nummern ook faken in dat Impressum bi US-amerikaanschen Böker to finnen sünd.

De Library of Congress bruukt dat Systeem sied 1898. Dat Systeem is unafhängig vun den Inhoold in enen Book un schull nich mit [[Library of Congress Classification|''Library of Congress Classification'']] (LCC) verwesselt warrn. Ook de '''Library of Congress Authorities''' (LCAuth), de mit de [[Gemeensame Normdatei|Gemeensamen Normdatei]] (GND) to verglieken is, stütt sik op de Struktuur vun de LCCN.

== Struktuur ==
[[Bild:LC_Authorities_2012.png|duum|LCAuth (Bildschirmfoto)]]
In siene Form vundaag givt dat de LCCN sied 2001. Se sett sik uut enen alphabeetschen Präfix mit twee Stellen, dat alleen för Normdaten (Personen un Slagwöör) is, denn ene Jaarstall mit veer Stellen un opletst sess Tallen. Dat de LCCN lichter to lesen is, sünd de letsten söss Tallen faken mit enen [[Binnstreek]] vun den anner Tallen afdeelt.

Bispelen:

* <code>␣␣␣92022183</code> (92-22183) ''Knapp: Elliptic curves'' (Book)
* <code>␣␣2002024184</code> (2002-024184) ''Marker: Model theory'' (Book)
* <code>n␣␣50036535</code> (n50-36535) ''Guy Davenport'' (Persoon)
* <code>n␣␣94112934</code> (n94-112934) ''[[Barack Obama]]'' (Persoon)
* <code>no2008168642</code> (no2008-168642) ''United States. President (2009-: Obama)'' (Persoon)
* <code>sh␣85092242</code> (sh85-92242) ''Noncommutative rings'' (Slagwoord)

Dat MARC-Präfix  benöömt, wokeen den Datzsatz inricht het. Bi Personen steit „n“ för de ''Library of Congress'', „nb“ för de [[British Library|''British Library'']], „no“ för dat [[Online Computer Library Center|''Online Computer Library Center'']] (OCLC), „nr“ för dat ''Research Libraries Information Network'' (RLIN) un „ns“ för de Datenbank ''Sky River''.<ref>{{Internetquelle |url=https://www.loc.gov/marc/authority/ad010.html |titel=MARC 21 Format for Authority Data: 010: Library of Congress Control Number (Network Development and MARC Standards Office, Library of Congress) |abruf=2025-04-22}}</ref>

Bet in dat Jaar 2000 harr de Jaarstall man twee Stellen. De döörgaan Nummers binnen enen Jaar sett sik uut söss Ziffers mit Nullen vööran tohoop. De [[Binnstreek]] twüschen de Jaarstall un de letsten söss Ziffers is freewillig un schull na de ''Library of Congress'' vundaag beter nich meer in de LCCN staan.

== Nettverwiesen ==

* [https://www.loc.gov/marc/lccn_structure.html Structure of the LC Control Number] (engelsch)
* [https://catalog.loc.gov/ Search the catalog of The Library of Congress] (engelsch)
* [https://authorities.loc.gov/ Library of Congress Authorities] (engelsch)

== Footnoten ==
<references />
[[Kategorie:Bibliothekswesen]]