Sinirangan nga Samar

Este nga Samar / Este han Samar Sinirangan nga Samar Sidlangan nga Samar Lalawigan han Este nga Samar
Probinsya
Iningles: Province of Eastern Samar
Bandira Selyo
Mapa han Pilipinas nga nagpapakita han lokasyon han Este nga Samar.
Nasud	Philippines
Region	Sinirangan nga Kabisay-an (Region VIII)
Ginpundar	June 19, 1965
Kapital	Syudad han Borongan
Kagamhanan
• Tipo	Probinsya han Pilipinas
• Gobernador	Conrado B. Nicart Jr. (Nacionalista)
• Vice Governor	Christopher Gonzales (Lakas-Kampi-CMD)
Langyab
• Total	4,640.73 km2 (1,791.80 sq mi)
Ranggo ha langyab	25th out of 80
Molupyo (2007)
• Total	405,114
• Ranggo	60th out of 80
• Ranggo hin densidadr	68th out of 80
Mga dibisyon
• Mga syudad nga Independente	0
• Component cities	1
• Mga munisipalidad	22
• Barangays	597
• Mga Distrito	Lone district of Eastern Samar
Zona hin oras	PHT (UTC+8)
Yinaknan	Waray-Waray, Bisaya, Tinagalog, Iningles

An Eastern Samar (Winaray: Sidlangan nga Samar o Sinirangan nga Samar, ha diri-pormal nga pagtawag Este han Samar o Este nga Samar) usa nga lalawigan o probinsya ha Pilipinas nga nahimutangan ha rehiyon han Sinirangan nga Kabisay-an ha Kabisay-an. An Syudad han Borongan amo an kapital han probinsya. An lalawigan nahamutangan ha sinirangan nga dapit han isla han Samar. Ha amihanan han probinsya amo an lalawigan han Northern Samar ngan ha katundan, an probinsya han Samar. It Eastern Samar naatubang han Dagat Pilipinhon ha Kalawdan Pacifico ha sidlangan, ug an Golfo han Leyte ha salatan.

An Sinirangan nga Samar, komo usa nga lalawigan, ginhimo tikang han lalawigan han Samar pinaagi han Republic Act No. 4221 han Hunyo 19, 1965.^[1] Gin-aprobahan han Kongreso han 1963, ginsurat ini han mga kongresista han Samar nga hira Eladio T. Balite (1st district), Fernando R. Veloso (2rd district), ngan Felipe J. Abrigo (3rd district). An balaud, nga ginratipikar dida hin plebisito han Hunyo 19, 1965, nagbahin han Samar ngadto hin tulo: Amihanan nga Samar, Sinirangan nga Samar ngan (Katundan nga) Samar. An mga syahan nga mga opisyales han lalawigan han Sinirangan Samar, labot la han nag-uusahan nga representante han distrito, napili dida han Nobyembre 14, 1967, ngan dida han Enero 1, 1968, opisyal nga nag-assumer hira han pwesto.

An kapital nga bungto han Borongan nahimo nga sangkap nga syudad tungod han Republic Act No. 9394 nga naghihingyap pagbalhin han munisipyo ngadto hin usa nga syudad. Ginratipikar an balaud dida han Hunyo 21, 2007.^[2]

Winaray nga Binisaya an lumad nga yinaknan ha Sinirangan nga Samar.

An mga buruhaton pannegosyohan han lalawigan nakasentro ha kapital han Borongan samtang an mga buruhaton ha turismo nakasentro ha bungto han Guiuan nga diin nahamutang an Isla Calicoan ngan an makasaysayan nga Isla Homonhon. Ha kabug-usan, an panguna nga rekurso ha ekonomiya han lalawigan amo an pangisdaan ngan agrikultura nga naglalakip han produksyon hin lubi, kopras, mais, humay, asukar, ngan mga utanon.^[3] An potensyal ha turismo in waray pa magamit ha amihanan nga bahin han lalawigan.

• Gobernador han Eastern Samar

• Opisyal nga Websayt han Eastern Samar Ginhipos 2012-03-18 han Wayback Machine
• Pakli han Ahensya Impormasyon Pilipinhon (Philippine Information Agency) mahitungod han Eastern Samar Ginhipos 2007-09-27 han Wayback Machine
• Estehanon 101
• Eastern Samar Ginhipos 2005-09-08 han Wayback Machine
• Samarnews.com nga Websayt