Ärmetinge
| Ermatingen | |
|---|---|
| Basisdate | |
| Staat: | Schwiiz |
| Kanton: | Thurgau (TG) |
| Bezirk: | Kreuzlingen |
| BFS-Nr.: | 4646 |
| Poschtleitzahl: | 8272 |
| Koordinate: | 723264 / 281142 |
| Höchi: | 400 m ü. M. |
| Flächi: | 10.4 km² |
| Iiwohner: | 3799 (31. Dezämber 2025) |
| Website: | www.ermatingen.ch |
Ermatinge | |
| Charte | |
Ärmetinge isch e Dorf und e Gmaand am Undersee im Kantoo Thurgau.
Geografy
[ändere | Quälltäxt bearbeite]Ärmetinge lit am Süduufer vom Undersee, won e Tail vom Bodesee isch, gegenöber vo de Insle Riichenau. S Dorf litt a de Isebaalini Schafuuse-Chrützlinge, wo witter uf Rorschach goot. Im Summer chont mer au mit dem Scheff deet ane.
Zor Gmaand ghöört au Trübeltinge.
Wertschaft
[ändere | Quälltäxt bearbeite]Ärmetinge isch e ländlichs Dorf mit wenig Gwerbebitriib. Früener isch d Fischerai de wichtigst Wertschaftsektor gsii. Hüt isch Ärmetinge wäg sinere Seelaag, Gschicht und Boute au för de Turismus interessant und en Uusfluug wert.
Bruuchtum
[ändere | Quälltäxt bearbeite]D Groppefasnacht gelt as di letscht Fasnacht, well si erst drei Wuche vor Oostere döregfüert werd. Haasse tuet si nocheme Bodeseefisch, em Gropp (Cottus gobio). De Groppeomzuug werd denn au vom König Gropp aagfüert, enere riisige Noobildig vomene Grop.
Lüüt
[ändere | Quälltäxt bearbeite]- Otto Nägeli (1843–1922), Mediziner, Haametforscher und Mundartschriftsteller
- Adolf Hermann Ribi (1902–1988), Sproochwüsseschaftler und Redakter
Literatur
[ändere | Quälltäxt bearbeite]- Verena Rothenbühler: Ermatingen.. In: Historisches Lexikon vo dr Schwiiz.
- Erich Trösch: Triboltingen.. In: Historisches Lexikon vo dr Schwiiz.
- Erich Trösch: Wolfsberg.. In: Historisches Lexikon vo dr Schwiiz.

