Marc Hanappier

Dr Marc Hanappier (* 7. Hornung 1990) ìsch a frànzeescher kàthoolisch-tràdizionàlìschter Priaschter vu dr Priaschterbriaderschàft St. Pius X. (FSSPX). Ar ìsch offiziäll üss dr Kìrìch üssg’schlossa, dänn’r ìsch ohna Ärlàuibniss vum Pàpscht g’wäijt worra.

Dr Marc Hanappier ìsch ìn’ra kàthoolischa Fàmìlia mìt niin G’schwìschterta uffg’wàcksa. Zwai vu siina Briader sìnn eewafàlls Priaschter vu dr FSSPX, un aina vu siina Schwäschter ìsch tràdizionàlìschta Nonna worra.^[1]

Dr Hanappier ìsch z’äärscht ìns „klaina Seminààri“ z’ Flavigny-sur-Ozerain ìn Burgund gànga ge schtüdiara, un ìsch ànna 2013 àm Ìnternàzionààla Priaschterseminààri vun Écône vum Bischoof Bernard Tissier de Mallerais zem Priaschter g’wäijt worra. Ar ìsch z’äärscht Leehrer àn tràdizionàlìschta Schüala z’ Egelshat ìn dr Mosel un schpeeter z’ Châteauroux ìn Zäntrààlfrànkrììch. Ànna 2020 ìsch’r Profasser àm Priaschterseminààri „St. Thomààs vun Àquin“ z’ Dillwyn (Virginia) ärnännt worra.^[2]

Ar ìsch àls jìnschter vu viar Waihbischeef àm 1. Jüüli 2026 z’ Écône dur dr Alfonso de Galarreta zem Bischoof g’wäijt worra — dr Kokonsekràtoor ìsch dr Bernard Fellay gsìì.^[3] D’ Wäiha ìsch àm 26. Mai 2026 dur dr Gen’rààlowwerer vu dr Priaschterbriaderschàft St. Pius X. Davide Pagliarani ààkìndigt worra.^[4] Sa hàt oohna Màndààt vum Pàpscht Leo XIV. schtàttg’funda un ìsch vum Vàtikààn àls illegààl (àwwer gìltig) betràchta worra. Domìt sìnn d’ Wäihanda un d’ G’wäihta mìt’ra Kìrcha-n-üssschliassung b’schtroofa worra.^[5]

 Commons: Marc Hanappier – Sammlig vo Multimediadateie

Yytrag zue Marc Hanappier uf catholic-hierarchy.org (englisch)