Varallo

Varallo
Staat	Itaalie
Regioon	Piemont
Browinz	Vercelli (VC)
Koordinate	45° 49′ N, 8° 15′ O45.8166666666678.25450Koordinate: 45° 49′ 0″ N, 8° 15′ 0″ O
Hööchi	450 m s.l.m.
Flechi	102,97 km²
Iiwooner	6.832 (31. Dez. 2025)[1]
Bostläitzaal	13019
Vorwaal	0163
ISTAT-Nummere	002156
Bezäichnig vo de Iiwooner	Varallesi, Varallini
Schutzpatron	San Gaudenzio
Website	Varallo

Varallo – uf Piemontesisch Varal, uf Alagnatüütsch Vrol, uf Rimellatüütsch Vràl – oder au Varallo Sesia (zum s vo Varallo Pombia chönen underschäide) isch es Stedtli im Sesiataal im italienische Piemont. Es hät nöd ganz 7000 Ywoner. Birüemt isch es wäge sym Sacro Monte.

Varallo isch scho alewyl de wichtigscht Mèèrt gsy vom Taal. Früener händ d Walser vo Alagna, Rima und Rimella ires Vee und iri Waar daa une verchaufft. Hüt gits daa jede Juli e regionaali Mäss, d Alpaà, wo sich d Bitriib und d Gmäinde vom Taal zäiged – und dezue ane gits na e groossi Chilbi.

Uf em Hoger über em Stedtli isch de Sacro Monte di Varallo, es Wallfaartsoort. Mit andere Sacri Monti zäme ghöört er zum UNESCO-Wältkultuureerb. De Zwäck vo de Monti Sacri isch gsy, das d Pilger, wo nöd oder nüme händ chönen i s Häilig Land gaa, händ chöne di häilige Stett zmindscht dihäimen aaluege.

De Sacro Monte vo Varallo hät 45 verschideni Bouwèèrch. I dène findt me verschideni Szeenen us de Bible naapoue, bsunders us em Läben und Stèèrbe vom Jesus Christus, aber au öppe vom Sündefall und anderem. Ales i alem sind s öppe 600 läbesgroossi Figuuren us Holz und Terrakotta und dezue anen über 4000 gmaaleti Figuure.

Aagfange hät me mit dèren Aalaag im Jaar 1491, uf Iniziatyve vom Franziskaanermönch Nernard Caimi. E ganzi Räie vo Maaler und Bildhauer händ über vili Jaarzäänt draa gschaffet – eerscht um 1650 umen isch er fèrtig gsy. D Wallfaartschile sälber isch 1614 gweit woorde.

• 
  Varallo, mit em Sacro Monte im Hindergrund
• 
  d Wallfaartschile
• 
  de Sündefall
• 
  d Gibuurt
• 
  di Drei Chüng
• 
  de Chindlimord
• 
  s Träffe mit de samaritaanische Frau
• 
  d Uuferweckig vom Lazarus
• 
  der Yzuug i Jerusalem
• 
  s Aabigmaal
• 
  vor em Gricht
• 
  d Verspottig
• 
  Ecce Homo
• 
  vor de Chüüzigung
• 
  s Truure

 Commons: Varallo – Sammlig vo Multimediadateie

 Commons: Sacro Monte di Varallo – Album mit Multimediadateie

• offizielli Website vo de Gmäind
• Website vom Sacro Monte di Varallo
• s Dokumäntazionoszäntrum vo de Sacri Monti

1. ↑ Bilancio demografico e popolazione residente per sesso al 31 dicembre 2025. ISTAT. Abgruefen am 16. August 2026 (Bevölkerungsstatistiken des Istituto Nazionale di Statistica, Stand 31. Dezember 2025).