Shoot Out

Shoot Out
Títol	Shoot Out
Ficha tecnica
Dirección	Henry Hathaway
Aduyant de dirección	Milton Feldman Kenny Williams
Dirección artistica	Alexander Golitzen Walter H. Tyler
Producción	Hal B. Wallis
Guión adaptau	Marguerite Roberts
Basau en	The Lone Cowboy, novela autobiografica de Will James (1930)
Musica	Dave Grusin
Soniu	James R. Alexander Ronald Pierce Waldon O. Watson Bill Stuart
Fotografía	Earl Rath
Montache	Archie Marshek
Escenografía	John McCarthy Jr.
Maquillache	Frank Prehoda Bud Westmore
Peluquería	Larry Germain
Actors	Gregory Peck Pat Quinn Robert F. Lyons Susan Tyrrell Jeff Corey James Gregory Rita Gam Dawn Lyn Pepe Serna John Davis Chandler Paul Fix Arthur Hunnicutt Nicolas Beauvy
Color	Technicolor
Datos y cifras
País(es)	Estaus Unius
Anyo	1971
Estreno	2 de chulio de 1971 Francia[1] 13 d'octubre de 1971 Estaus Unius[1]
Chenero(s)	Cine de western Cine de drama
Durada	94 min.
Idioma(s)	Anglés
Companyías
Productora(s)	Hal Wallis Productions
Distribución	Universal Pictures
Estudio(s)	1.190.000 dólars
Informacions en bases de datos especializadas:

Shoot Out (títol orichinal en anglés, en aragonés Marchar a escape, estrenada en Aragón con o títol en castellano de Círculo de fuego, en aragonés Cerclo de fuego) ye una cinta de cine estausunidense de cine de western dramatico estrenada l'anyo 1971, dirichida por Henry Hathaway seguntes un guión adaptau por Marguerite Roberts (basau en The Lone Cowboy, una novela autobiografica de Will James publicada en 1930), con una banda sonora orichinal de Dave Grusin, una dirección de fotografía d'Earl Rath, una producción cinematografica de Hal B. Wallis ta la suya productora cinematografica Hal Wallis Productions y un elenco d'actors formau por Gregory Peck, Pat Quinn, Robert F. Lyons, Susan Tyrrell, Jeff Corey, James Gregory, Rita Gam, Dawn Lyn, Pepe Serna, John Davis Chandler, Paul Fix, Arthur Hunnicutt y Nicolas Beauvy, entre d'atros.

Clay Lomax ha estau siet anyos en a garchola por robar un banco. Agora busca a Sam Foley, o suyo companyero en o robo, qui li disparó por a espalda y el deixó albandonau ta que el capturasen. Foley ha contractau a tres farutes ta que el vichilen, Pepe, Skeeter y Bobby Jay Jones. Foley contacta con un amigo, Trooper, un antigo militar paralitico, qui diz que li dará bella información d'a on se troba Foley. Pero los tres farutes asasinan a Trooper a la vegada que secuestran a una prostituta d'o suyo local, Alma, y asperan a Foley fuera d'o lugar. Lomax ye asperando en a gara que i plegue una antiga amiga que li ha de levar diners, pero lo que i plega ye la suya filla Decky Ortega, de 7 anyadas, en haber muerto su mai mientres o viache en o tren. Lomax accepta a la nina popiella, encara que preba de deixar-lo a lo cudiau d'o mosen, d'a mayestra y de qui puede, pero a la fin se veye obligau a continar viache con ella, seguiu por os farutes que levan con éls a Alma. Poquet a poquet Lomax y la nina prencipian a conoixer-se, y se fa prou evident que Lomax sabe que fácil que sía la suya filla. Cuan troban una tronada, Lomax y Decky se refuchian en casa de Juliana Farrell, una muller vidua que i vive con su fillo, pero los farutes i plegan ixa nueit y els fan presoneros a toz, prencipiando a menazar a Decky con risque d'a vida d'a nina. Tamién ha dau manteca y deixan sin sentiu a Lomax, ta a la fin matar a Alma. Cuan Lomax dispierta veye qué s'ha escaiciu y en reaccionar, Bobby Jay mata por accident a Skeeter, fuyindo dimpués a caballo con Decky como rafena, encara que la nina consigue fuyir poco dimpués. Lomax persigue a Jay, qui plega enta casa de Foley y l'asasina ta robar-li los diners que veye en a caixa fuerte, momento en que i plega Lomax decidiu a vengar-se por Decky.

A cinta s'ambienta en bel momento indeterminau d'a segunda metat d'o sieglo XIX en bel puesto tamién no concretau de l'ueste d'Estaus Unius, y las suyas escenas se filmoron en Chama, Los Alamos, Santa Fe y atros puestos de Nuevo Mexico y de California.^[2]

• Cine en 1971.
• Cintas de 1971.

• Se veigan as imáchens de Commons sobre Shoot Out.
• (en) Shoot Out en Internet Movie Database.
• (en) Shoot Out en l'American Film Institute Catalog de l'American Film Institute.