Saltar al conteníu

Andenes

Andenes
Alministración
PaísBandera de Noruega Noruega
Condáu Nordland
Conceyu Andøy
Tipu d'entidá urban area in Norway (en) Traducir
Nome oficial Andenes (no)
Códigu postal 8480
Xeografía
Coordenaes 69°18′50″N 16°07′05″E / 69.3139°N 16.1181°E / 69.3139; 16.1181
Andenes alcuéntrase en Noruega
Andenes
Andenes
Andenes (Noruega)
Superficie 1.76 km²
Altitú 6 m
Demografía
Población 2482 hab. (1r xineru 2025)
Porcentaxe 100% de Andøy
Densidá 1410,23 hab/km²
andoy.net
Cambiar los datos en Wikidata

 

Andenes (en sami septentrional Ánddanjárga) ye una población y un antiguu conceyu na rexón de Vesterålen, na provincia de Nordland, en Noruega.

Anguaño cunta con 2482 habitantes (1 xineru 2025)[1][2], y una superficie de 1,89 km². Xunióse a Dverberg y Bjørnskinn el 1 de xineru de 1964 para crear la kommune actual de Andøy, de la qu'Andenes ye centru alministrativu municipal. Enantes, Andenes dixebrárase de Dverberg el 1 de xineru de 1924.

Cases ya ilesia n'Andenes.

Andenes ye'l pueblu mas septentrional de la Islla d'Andøya, nes islles Vesterålen, lo mesmo que de la provincia de Nordland, y atópase a unos 300 km percima del círculu polar árticu.

La so alta llatitú fai que'l sol de medianueche seya visible dende mediaos de mayu hasta finales de xunetu, aproximao, pero tamién provoca que'l sol non s'alce sobre l'horizonte dende finales de payares hasta finales de xineru.

Al este d'Andenes atópase la islla de Senja, y al oeste atopase l'océanu Atlánticu, y más concretamente'l mar de Noruega.

A Senja pue dise en ferry, que ye la segunda islla más grande de Noruega, nuna travesía d'unes dos hores.

Una de les posibilidaes turístiques d'Andenes son les salíes en barcu pal posible avistamientu de ballenes.

Mui cerca d'Andenes alcuéntrase l'Aeropuertu d'Andøya-Andenes (IATA: ANX, OACI: ENAN; en noruegu: Andøya lufthavn, Andenes), d'usu civil y militar y nel que s'atopen amás el Centru Espacial Noruegu (Norsk Romsenter) y la base de llanzamientu de cohetes d'Andøya (Andøya Rakettskytefelt).

Referencies

[editar | editar la fonte]

Enllaces esternos

[editar | editar la fonte]