Saltar al conteníu

Clima de Marte

De Wikipedia
Clima de Marte
climate of geographic location (en) Traducir
Cambiar los datos en Wikidata

El clima de Marte ye'l conxuntu de condiciones atmosfériques y meteorolóxiques que caractericen el planeta Marte. El planeta presenta un clima fríu y secu, condicionáu pola so distancia al Sol, la baxa densidá de l'atmósfera, formada principalmente por dióxidu de carbonu, y la ausencia de grandes mases d'agua líquido na superficie. Les temperatures puen presentar grandes variaciones ente'l día y la nueche y ente distintes rexones del planeta.[1]

Marte presenta estaciones de manera asemeyada a la Tierra porque la so exa de rotación tien una inclinación comparable. Sicasí, l'añu marcianu dura unos 687 díes terrestres y la órbita del planeta ye más excéntrica, polo que la duración y intensidá de les estaciones varia considerablemente ente los hemisferios.

El polvu desempeña un papel fundamental nel clima marcianu. Son frecuentes los remolinos y les tormentes de polvu, que puen algamar dimensiones rexonales y, en determinaes ocasiones, espandise per prácticamente tol planeta. Marte presenta tamién nubes, xelu y casquetes polares que varien estacionalmente.[2]

Les evidencies xeolóxiques indiquen que'l clima marcianu foi mui distintu nel pasáu. Redes de valles, antiguos llechos de llagos, deltes y minerales formaos en presencia d'agua indiquen que fai miles de millones d'años hubo agua líquido estable na superficie. L'estudiu de cómo Marte pasó d'eses condiciones al clima fríu y áridu actual ye una de les cuestiones centrales de la ciencia planetaria.

Referencies

[editar | editar la fonte]
  1. ↑ «Mars: Facts». NASA Science. NASA. Consultáu'l 15 de setiembre de 2026.
  2. ↑ «All About Mars». NASA Space Place. NASA. Consultáu'l 15 de setiembre de 2026.

Enllaces esternos

[editar | editar la fonte]