Filadelfia

Filadelfia
flag of Philadelphia (en)
Alministración
País	Estaos Xuníos
Estaos	Pennsylvania
Condáu	condáu de Philadelphia
Tipu d'entidá	ciudá de Pennsylvania
Mayor of Philadelphia (en)	Cherelle Parker
Nome oficial	Philadelphia (en)
Nome llocal	Philadelphia (en)
Nomatu	Philly (en); City of Brotherly Love (en)
Códigu postal	19019, 19092, 19093, 19101, 19102, 19103, 19104, 19105, 19106, 19107, 19108, 19109, 19110, 19111, 19112, 19113, 19114, 19115, 19116, 19118, 19119, 19120, 19121, 19122, 19123, 19124, 19125, 19126, 19127, 19128, 19129, 19130, 19131, 19132, 19133, 19134, 19135, 19136, 19137, 19138, 19139, 19140, 19141, 19142, 19143, 19144, 19145, 19146, 19147, 19148, 19149, 19150, 19151, 19152, 19153, 19154, 19155, 19160, 19161, 19162, 19170, 19171, 19172, 19173, 19175, 19176, 19177, 19178, 19179, 19181, 19182, 19183, 19184, 19185, 19187, 19188, 19190, 19191, 19192, 19193, 19194, 19195, 19196, 19197, 19244 y 19255
Xeografía
Coordenaes	39°57′10″N 75°09′49″W / 39.9528°N 75.1636°O
	Filadelfia Filadelfia (los EE.XX.)
Superficie	369.609252 km²
Altitú	12 m
Llenda con	Upper Darby Township (en) , Millbourne (en) , Yeadon (en) , Darby (en) , Colwyn (en) , Darby Township (en) , Folcroft (en) , Tinicum Township (en) , West Deptford Township (en) , National Park, Westville, Gloucester City (en) , Camden (en) , Pennsauken (en) , Palmyra, Riverton, Cinnaminson Township (en) , Delran Township (en) , Delanco Township (en) , Bensalem Township (en) , Lower Southampton Township (en) , Lower Moreland Township, Conceyu d'Abington, Rockledge (en) , Cheltenham Township (en) , Springfield Township (en) , Whitemarsh Township, Lower Merion Township (en) y Haverford Township (en)
Demografía
Población	1 603 797 hab. (1r abril 2020)
Porcentaxe	100% de condáu de Philadelphia
Densidá	4339,17 hab/km²
Viviendes	613 125 (31 avientu 2020)
Más información
Fundación	1682
Prefixu telefónicu	267 y 215
Llocalidaes hermaniaes	Mosul, Florencia, Tel Aviv, Toruń, Tianjin, Incheon, Douala, Nizhni Nóvgorod, Abruzos, Aix-en-Provence, Kōbe, Salvador y Frankfurt del Main
	phila.gov

Filadelfia (inglés: Philadelphia, pronunciáu /ˌfɪləˈdɛlfiə/) ye la ciudá más grande del estáu de Pennsylvania. Ye la segunda mayor ciudá de la costa este de los Estaos Xuníos, y la sesta mayor del país. Asítiase na fastera nororiental d'elli, a la vera los ríos Delaware y Schuylkill, y tien una población de 1 603 797 habitantes (1 abril 2020)^[1]^[2]. La ciudá ye'l centru cultural y económicu del valle de Delaware, séptima mayor área metropolitana de los Estaos Xuníos con más de seis millones d'habitantes. D'ellos, cuatro corresponden alministrativamente a la metrópolis de Filadelfia, qu'abarca cinco condaos con un total de 4.008.994 habitantes. La ciudá ye nomada tamién coloquialmente Philly.

La ciudá fundola en 1682 William Penn, col envís de que fora la capital de la colonia de Pennsylvania. Pa la década del 1750 la ciudá yá medrara tanto que yera, perriba de Boston, la ciudá más grande y el mayor puertu de les colonies britániques d'América, y el segundu puertu del Imperiu dempués del de Londres. La ciudá foi, na Revolución d'Estaos Xuníos, llugar d'alcuentru de los Padres Fundadores de los Estaos Xuníos, que roblaron nella la declaración d'independencia en 1776 y la constitución del nuevu país en 1787. Filadelfia foi, na guerra d'independencia d'Estaos Xuníos, una de les capitales del país, y tamién después, mentanto que se construyía la nueva capital federal, Washington. Nel sieglu XIX la ciudá convirtióse nun importante centru industrial y nún ñudu de comunicaciones, y medró enforma gracies a la llegada de bien d'inmigrantes europeos y africanos.

La ciudá camudó'l so calter de ciudá industrial pol de ciudá venceyada a les empreses de servicios basaes nel desarrollu de les teunoloxíes de la información. Asina, les actividaes financieres son ún de los principales pilares de la economía de la metrópolis, que ye tamién ún de los centros principales d'investigación y enseñanza de ciencies sanitaries de tol país. Amás d'eso, la historia de la ciudá atrái a bien de turistes a visitala: la Liberty Bell recibió dos millones de visitantes en 2010. Tamién acueye la sede de cuatro de les mayores empreses del mundu (según la llista Fortune 500), y con too ello axunta un productu internu brutu de 388.000 millones de dólares, el cuartu mayor de les ciudaes del país y el novenu del mundu^[3].

Arriendes d'ello, la ciudá ye perconocida pola bayura d'actividaes artístiques y culturales que se celebren nella. Ta adornada por más murales y escultures que denguna otra ciudá del país, y tien el parque urbanu mayor del mundu, el Fairmount Park.