Robert Fisk

Robert Fisk (12 de xunetu de 1946, Maidstone – 30 d'ochobre de 2020, Dublín) foi un periodista y escritor inglés, corresponsal n'Oriente Mediu pal periódicu británicu The Independent y columnista del periódicu Público n'España y La Jornada en Méxicu. Taba casáu cola periodista d'Estaos Xuníos Lara Marlowe. Vivió en Beirut (El Líbanu) por más de 25 años.
Datos biográficos
[editar | editar la fonte]Fíu d'un ex soldáu británicu que participó na Primer Guerra Mundial, Robert Fisk fixo la carrera periodística n'Inglaterra ya Irlanda. Trabayó como corresponsal de prensa n'Irlanda, cubrió los socesos nel Ulster y Portugal.
Dende 1976 trabayó n'Oriente Mediu, de primeres como corresponsal de The Times y, dempués d'un discutiniu colos sos editores arriendes del cambéu que facíen sobre los sos artículos, ensin el so consentimientu, como corresponsal del diariu The Independent.
Trabayó na Guerra Civil d'El Líbanu (empecipiada en 1975), la invasión soviética d'Afganistán (1979), la Guerra Iraq-Irán (1980-1988), la invasión israelina d'El Líbanu (1982), la Guerra Civil Arxelina y les guerres de los Balcanes. Coles mesmes, cubrió'l conflictu palestino-israelín y realizó el siguimientu dende'l mesmu frente de la Primer Guerra del Golfu Pérsicu (1990-1991) y la Segunda Guerra del Golfu Pérsicu (2003).
Consideráu ún de los mayores espertos nos conflictos d'Oriente Mediu,[14][15] favoreció la divulgación internacional de les masacres de la guerra civil arxelina, de los asesinatos de Sadam Husein, de les represalies israelines mientres la Intifada palestina y de les actividaes illegales del gobiernu de los Estaos Xuníos n'Afganistán ya Iraq. Entrevistó en fondura (foi ún de los pocos periodistes internacionales que lo consiguió) a Osama bin Laden, líder d'Al-Qaeda, protagonista de sangrientos atentaos mundiales (ente los más conocíos, en Nueva York, el 11 de setiembre de 2001).
Fisk defendió siempre la causa palestina y el diálogu ente los países de la zona, incluyíu l'estáu d'Israel. Por ello, la so trayeutoria y los sos artículos periodísticos fueron bien aldericaos tantu polos sos compañeru de la prensa como per parte de tolos gobiernos y políticos implicaos.
Premios
[editar | editar la fonte]Fisk ye'l corresponsal estranxeru británicu más premiáu. Ente otros munchos, recibió en siete causes el Premiu al Periodista Internacional Británicu del Añu (la postrera en 1996). Tamién ganó'l Premiu a la Prensa d'Amnistía Internacional nel Reinu Xuníu en 1998 y en 2000.
Obres
[editar | editar la fonte]- Pity the Nation: Lebanon at War (Oxford University Press, 2001).
- La gran guerra por la civilización. La conquista de Oriente Próximo (Ediciones Destino, 2006). ISBN 84-672-1726-X. Obra qu'intenta recoyer la historia de les múltiples guerres qu'afararon el Mediterraneu oriental mientres el sieglu XX, ye tamién como fonte bibliográfica de la vida (incluyendo la historia de los sos padres) y carrera del propiu Fisk.
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 13 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Internet Movie Database. Identificador IMDb: nm1745178. Data de consulta: 15 ochobre 2015. Llingua de la obra o nome: inglés.
- ↑ Afirmao en: Great Norwegian Encyclopedia. Store norske leksikon-ID: Robert_Fisk. Data de consulta: 18 ochobre 2026. Llingua de la obra o nome: bokmål. ISSN: 2464-1480.
- ↑ «Veteran journalist and author Robert Fisk dies aged 74». Consultáu'l 1r payares 2020.
- ↑ «ABC» (en castellanu). ABC Sevilla: páxs. 54. ISSN 1136-0143.
- ↑ Afirmao en: catálogu de la Biblioteca Nacional Checa. Identificador NKCR AUT: jo2009480450. Data de consulta: 1r marzu 2022.
- ↑ URL de la referencia: http://www.marthagellhorn.com/previouswinners.htm.
- ↑ URL de la referencia: https://www5.open.ac.uk/students/ceremonies/sites/www.open.ac.uk.students.ceremonies/files/files/Honorary%20graduate%20cumulative%20list(7).xlsx.
- ↑ «Distinguished journalist receives Queen’s honorary degree». Universidá Queen's de Belfast (3 xunetu 2006).
- ↑ URL de la referencia: http://www.ugent.be/nl/univgent/collecties/archief/geschiedenis/overzichten/eredoctoren.htm#2000%20-%202009. Data de consulta: 23 febreru 2017.
- ↑ Afirmao en: University Honorary Degrees July 2008. Data d'espublización: 7 xunetu 2008. Editorial: Universidá de Kent.
- ↑ Afirmao en: Robert Redford and John Hume awarded Honorary Degrees. Data d'espublización: 11 xunetu 2008. Editorial: Trinity College, Dublin.
- ↑ URL de la referencia: https://apsanet.org/mcwilliamsrecipient.
- ↑ Insumissia - "Biblioteca en Guerra" y Robert Fisk
- ↑ El responsu de Robert Fisk, El País, M. Á. Bastenier, 18/02/2006.
Enllaces esternos
[editar | editar la fonte]- llinguaxe-periodistico/ Sobre l'usu del llinguaxe periodísticu en Lliteral, Latin American Voices (enllaz rotu disponible n'Internet Archive; ver l'historial y la última versión).
- Artículos de Robert Fisk (n'inglés)
- Escoyeta de dellos artículos de Robert Fisk