JIVA
| JIVA | |
|---|---|
| Cəmilə Həşimova | |
| | |
| Ümumi məlumatlar | |
| Ləqəbi | Jiva |
| Doğum tarixi | 9 sentyabr 1982 (44 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2003-cü ildən |
| Janr | pop caz R&B |
JIVA (Cəmilə Həşimova; 9 sentyabr 1982, Moskva) — azərbaycanlı müğənni. Azərbaycanı "Avroviziya 2026" Beynəlxalq Mahnı Müsabiqəsində təmsil etdi.[1][2]
Həyatı
[redaktə | vikimətni redaktə et]9 sentyabr 1982-ci ildə Moskva şəhərində anadan olub.
Karyerasına 2003-cü ildə keçirilən "Bakı payızı" müsabiqəsində ikinci yer qazanması ilə başlayıb. O, 2007-ci ildə "Show Time" layihəsində iştirak edib, 2011-ci ildə isə "Avroviziya" milli seçim həftəsində ilk üçlüyə daxil olmağı bacarıb.
O, Xalq artisti Rəşad Haşımovun rəhbərlik etdiyi məşhur RAST ansamblı ilə çıxış edib və "Montreux Jazz Festivalı"nda səhnəyə çıxıb. Daha sonra Hazz Band qrupunun solisti kimi fəaliyyət göstərərək caz elementlərini müasir estrada ilə birləşdirib.
2017-ci ildən etibarən JIVA karyerasını solo olaraq davam etdirir. O, pop, dance və R&B janrlarında Azərbaycan, rus və ingilis dillərində mahnılar ifa edir.
2018-ci ildə müğənni "JARA" beynəlxalq musiqi festivalının böyük səhnəsində çıxış edib. 2025-ci ildə isə Röya Ayxanın komandasında "Səs Azərbaycan" (The Voice of Azerbaijan) layihəsinin qalibi olub.
JIVA həmçinin EMIN, Zülfiyyə Xanbabayeva, Manana Caparidze, Samir Bağırov və digər sənətçilərlə birlikdə "Azərbaycan! Mən səni sevirəm" adlı vətənpərvərlik layihəsində iştirak edib.
İstinadlar
[redaktə | vikimətni redaktə et]- ↑ "JIVA will sing for Azerbaijan in Vienna". 27 may 2026 tarixində arxivləşdirilib. İstifadə tarixi: 8 mart 2026.
- ↑ "JIVA releases her song for Azerbaijan". Eurovision Song Contest (ingilis). 9 mart 2026. 4 iyun 2026 tarixində arxivləşdirilib. İstifadə tarixi: 2 aprel 2026.