Məzmuna keç

Stadi

Vikipediya, azad ensiklopediya

Stadi (q.yun. στάδιον) — bir çox xalqların qədim ölçü sistemlərində məsafə ölçü vahidi. İlk dəfə Babildə tətbiq edilmiş, sonradan yunanlara keçmiş və yunan dilindəki adını almışdır. Dəqiq müəyyən edilmiş ölçü vahidi deyil. Babildə günəş çıxarkən ilk şüanın görünməsindən günəş diskinin tamamilə üfüq üzərində görünməsinə qədər olan müddətdə insanın sakit addımlarla qət etdiyi məsafə bir stadi kimi qəbul edilirdi. Günəşin bu çıxma prosesi təxminən iki dəqiqə davam edərsə, həmin müddət ərzində insan orta yeriş sürəti ilə 185 metrdən 195 metrə qədər məsafə qət edir. Bu səbəbdən həmin ölçü vahidi nisbi xarakter daşıyır.

Yunan stadisi Heraklın 600 ayaq ölçüsünə bərabər olan məsafədir.[1] Qədim yunan miflərinə görə, Olimpiyadakı Kron təpəsi üzərində ilk günəş şüalarının görünməsindən günəşin yer üzərində tam yüksəlməsinə qədər olan müddətdə Herakl məhz bu sayda addım atmağa macal tapmışdır.

  1. ↑ А. Мелик-Шахназаров. Олимпионик из Артаксаты. М. 1986. 8.