IAG Guardian

IAG Guardian
Краіна паходжання	ААЭ
Медыяфайлы на Вікісховішчы

IAG Guardian — бронеаўтамабіль вытворчасці ААЭ. Распрацаваны кампаніяй International Armored Group (IAG). Даступны ў канфігурацыях з колавай формулай 4×4 і 6×6.^[1] Вырабляецца на заводзе ў Рас-эль-Хайме.^[2]

Абсталёўваецца 6,7-л дызельным рухавіком V8, які развівае магутнасць 300 к. с. або 6,8-л рухавіком V10 магутнасцю 352 к. с. у спалучэнні з 5- ці 6-ступеністай аўтаматычнай каробкай перадач. Здольны развіваць хуткасць да 120 км/г пры запасе ходу да 800 км.

Мае стандартную балістычную абарону ўзроўню B6 па CEN або ўзровень 2 па STANAG 4569. Аднак з дадатковым бронепакетам абарона можа быць палепшана да ўзроўню B7 па CEN або ўзроўню 3 па STANAG 4569. Для зніжэння масы машыны, напрыклад, для палягчэння манеўравання пры руху па бездаражы, дадатковую браню можна зняць. Guardian забяспечвае экіпажу ўсебаковую абарону на 360 градусаў, уключаючы трохкропкавую сістэму замыкання дзвярэй для дадатковай абароны ў выпадку выбуху.

Guardian таксама здольны вытрымаць падрыў пад дном магутнасцю 6 кг у трацілавым эквіваленце.^[3][4]

• Guardian 4x4 — базавы варыянт для канфліктаў нізкай інтэнсіўнасці ў двухвосевай канфігурацыі.^[5] Можа перавозіць да 10 чалавек, уключаючы кіроўцу/камандзіра.^[5]
• Guardian 4x4 Xtreme — палепшаны варыянт з дадатковым браніраваннем і рашэцістай бранёй для павышэння ўзроўню абароны.^[6] Узровень абароны павышаны да ўзроўню 3 па STANAG 4569.^[5]
• Guardian 6x6 — варыянт з палепшанай абаронай у трохвосевай канфігурацыі.^[5] Можа перавозіць да 12 чалавек, уключаючы вадзіцеля/камандзіра.^[5]

Бранявік прымаў удзел у грамадзянскіх войнах у Іраку, Сірыі^[7], а таксама міратворчай місіі ААН у Ліване^[8].

•  Бангладэш
•  Балгарыя^[9][10]
•  В’етнам^[11]
•  Гаіці
•  Літва^[12]
•  Малайзія^{[13][14][15][16]}
•  Малдова^[17]
•  Нігер^[18]
•  Чылі^[19]