Derib
| Reizh pe jener | paotr  |
|---|---|
| Bro ar geodedouriezh | Suis |
| Anv ganedigezh | Claude de Ribaupierre |
| Anv-bihan | Claude |
| Anv-familh | de Ribaupierre |
| Lesanv | Derib |
| Deiziad ganedigezh | 8 Eost 1944 |
| Lec'h ganedigezh | La Tour-de-Peilz |
| Tad | François de Ribaupierre |
| Pried | Dominique de Ribaupierre |
| Yezhoù komzet pe skrivet | galleg |
| Micher | aozer bannoù-treset, draftsperson |
| Implijer | Spirou |
| Keveler er sport pe el labour | Job (André Jobin) |
| Prizioù resevet | Gouden Olifant voor gehele oeuvre |
| Lec'hienn ofisiel | https://www.le-carredas.ch/auteur/derib/#main |
Derib, Claude de Ribaupierre e anv gwir, zo ur senarioour ha treser bannoù-treset eus Suis. Ganet e oa d'an 8 a viz Eost 1944 e La Tour-de-Peilz e Suis. Tad Yakari ha Buddy Longway an hini eo.
E remzad
[kemmañ | kemmañ ar vammenn]Da zek vloaz en deus graet Derib vihan e soñj ober e vuhez eus ar bannoù-treset. Ar suisad yaouank a grog da dresañ e-giz den a vicher da 19 vloaz, e kêr Vrusel. Deskiñ a ra an navvet arz gant Peyo ha kemer a ra perzh er Schtroumpfed. Tresañ a ra un tammig a bep seurt e-barzh ar c'helaouennoù Spirou, le Journal de Tintin ha Pilote. En em varrekaat a ra bemdez war ar c'hontañ hag an tresañ. Dont a ra da vezañ mignon gant Franquin (Gaston Lagaffe, Spirou), Jijé (Jerry Spring), Roba (Boulig ha Billig) ha Bob de Moor.
Krouiñ a ra tudenn Yakari da 22 vloaz. E 1969 e teu war-wel Les Aventures de Pythagore et Cie, an dug bras barrek war ar matematik. E penn-kentañ ar bloavezhioù 1970 e krou Les Ahlalaaas, tudennoù bihan blevek ha ribardennus. Ur grouidigezh all eo Attila, troioù-kaer ur c'hi hag a oar kazoeal, bet embannet etre 1967 ha 1973[1].
E 1971 e ya da labourat gant ar gazetenn Tintin. Tresañ a ra da gentañ an heuliad Go West a-raok degouezhout en e varr gant istorioù Buddy Longway. E c'hout evit an tresañ, ar western hag ar c'hezeg en deus roet tro dezhañ d'ober eus an oberenn-mañ unan eus ar re wellañ e-touesk ar bannoù treset holl vrudet.
E 1981 e labour war ur saga hir ha realist anvet Celui qui est né deux fois diwar-benn ar sevenadur indian. Krouiñ a ra e 1988 an heuliad Red Road. Embann a ra Jo e 1991, un oberenn bennañ a 80 pajenn evit kizidikaat ar re yaouank ouzh ar SIDA.
An temoù kavet en e albomoù
[kemmañ | kemmañ ar vammenn]Gwrac'h eo gant an Amerindianed. Kavet e vez an tem-mañ en e oberennoù Yakari, Buddy Longway, Celui qui est né deux fois ha Red Road.
Krouiñ a ra ivez bannoù-treset evit ar yaouankizoù o dez diaezamantoù : Jo diwar-benn ar SIDA, No limits diwar-benn feulster ar re yaouank ha Pour toi Sandra diwar-benn ar gistierezh.
Oberennoù
[kemmañ | kemmañ ar vammenn]- Les Ahlalaaas
- Arnaud de Casteloup
- Attila
- Les Aventures de Pythagore et cie (3 tamm embannet)
- Buddy Longway
- Celui qui est né deux fois
- Go West
- L'Homme qui croyait à la Californie
- Jacky et Célestin
- Jo
- No limits
- Poulain mon ami
- Pour toi Sandra
- Red Road
- Yakari
Oberennoù diwar e benn
[kemmañ | kemmañ ar vammenn]- 1983 : Les amis de Buddy Longway embannet gant Le Lombard ha gant François Gir, René Hausman, René Follet, Rosinski...
- 1985 : Derib, Un créateur et son univers gant Georges Pernin, dastumadeg "Nos Auteurs" n°3, embannadurioù Le Lombard
Liammoù diavaez
[kemmañ | kemmañ ar vammenn]- (fr) Lec'hienn ofisiel Derib
- (fr) Lec'hienn ar fans : les Amis de Derib
- (fr) Lec'hienn diwar-benn an heuliad Buddy Longway
- (fr) Lec'hienn diwar-benn an heuliad Les Ahlalaaas
- (fr) Video atersadenn Derib en abadenn Un monde de bulles (skrivañ "Derib" e-barzh al lodenn glask)