Stuart Burrows
| Stuart Burrows | |
|---|---|
 | |
| Ganwyd | 7 Chwefror 1933  Cilfynydd |
| Bu farw | 29 Mehefin 2025 Caerdydd |
| Label recordio | Decca Records, Philips Records |
| Dinasyddiaeth |  Cymru |
| Galwedigaeth | canwr opera, canwr |
| Arddull | opera |
| Math o lais | tenor |
| Gwobr/au | OBE |
Canwr opera tenor o Gymru oedd Stuart Burrows OBE (7 Chwefror 1933 – 29 Mehefin 2025). Daeth yn fyd-enwog am ganu oratorios ac operâu, yn enwedig darnau clasurol Puccini, Verdi, Donizetti a Mozart. Gelwid ef 'y tenor Mozart gorau erioed' gan Rhys Meirion.[1]
Bywyd cynnar
[golygu | golygu cod]Ganwyd Stuart yn 19 William Street, ym mhentre Cilfynydd ger Pontypridd, sef yr un stryd a seren arall y byd opera - Syr Geraint Evans. Dechreuodd ganu yn ddeg oed yng nghôr y capel a bu'n cystadlu mewn amryw o eisteddfodau.
Yn Eisteddfod Genedlaethol Caernarfon 1959 enillodd Wobr Goffa David Ellis a hynny ar ei ymgais gyntaf.[1]
Gyrfa
[golygu | golygu cod]Cychwynnodd ei yrfa fel athro mewn ysgol gynradd ym Margoed. Yn 1963 pasiodd glyweliad ar gyfer Opera Cenedlaethol Cymru a throdd yn gantor broffesiynol. Yn 1978 perfformiodd am y tro cyntaf yn nhŷ opera byd-enwog La Scala ym Milan.
Teithiodd y Dwyrain Pell gyda'r Opera Cenedlaethol yn 1979 a chanodd gyda'r cwmni yn yr Ŵyl Olympaidd yn Los Angeles yn 1984.
Yn ystod ei yrfa perfformiodd yn y tai opera mwyaf yn cynnwys Opera San Francisco a Covent Garden.
Cyhoeddwyd recordiau yn canu yn Gymraeg a ieithoedd eraill.
Yn ogystal a'i waith ar lwyfan, perfformiodd ar sioeau radio a theledu hefyd. Daeth â chanu operatig at gynulleidfa ehangach gyda'i gyfres teledu Stuart Burrows Sings ar BBC Two a redodd am 8 cyfres.[2] Yn yr 1980au cafodd gyfres ei hun ar S4C o'r enw Gwlad y Gân.
Anrhydeddau
[golygu | golygu cod]Derbyniodd Ddoethuriaeth Anrhydeddus o Brifysgol Cymru ym 1981, Cymrodoriaeth Coleg y Drindod, Caerfyrddin, ym 1989, ac fe dderbyniodd Gymrodoriaeth Anrhydeddus gan Brifysgol Aberystwyth hefyd.
Yn 2007 fe dderbyniodd OBE am ei wasanaeth i gerddoriaeth.
Bywyd personol
[golygu | golygu cod]Roedd yn byw ym mhentre Sain Ffagan.[2]
Bu farw yn 92 mlwydd oed wedi cyfnod byr o waeledd.[3]
Cyfeiriadau
[golygu | golygu cod]- 1 2 "Y tenor byd-enwog Stuart Burrows wedi marw yn 92 oed". BBC Cymru Fyw. 2025-06-29. Cyrchwyd 2025-06-29.
- 1 2 "BBC - Wales - Music - Stuart Burrows - Stuart Burrows". www.bbc.co.uk. Cyrchwyd 2025-06-29.
- ↑ "Y canwr opera Stuart Burrows wedi marw'n 92 oed". newyddion.s4c.cymru. 2025-06-29. Cyrchwyd 2025-06-29.
Dolenni allanol
[golygu | golygu cod]
- Gwefan swyddogol
- Disgyddiaeth Stuart Burrows ar Discogs
- Stuart Burrows ar wefan Internet Movie Database