Susan Collins
|
C'l artìcul chè 'l è scrit in
Miranduléś |
La Susan Margaret Collins (Caribou, 7 ad Dicémbar dal 1952, a s lèś [ˈsuːzən ˈkɑːlɪnz] in ingléś) l'è na pulìtiga americàna dal partî republicàṅ, dla sò curènt più sentrìsta e muderàda.
Dòp ès'r-as candidàda in dal 1994 a la carga 'd guvernadōra dal Maine, finénd tèrsa da drē a 'l indipendènt Angus King e a 'l demucràtic Joseph Brennan, in dal 1996 la gh l'à cavàda a dvintàr senadōra p'r al sò Stat, faghénd pò cumpàgn p'r atri quàtar vòlti 'd fila, da 'l 2002 a 'l 2020.
In dal 2026 l'à pardû ad sèt punt a 'l incìrca cónt'r al demucràtic Troy Jackson lasànd la sò scrana a 'l cungrès dòp trént'an. Cun cal riśultâ chè, se Paul LePage al n gh la cavarà minga a cunfermàr-'s in dal secónd distrét dal Maine a la Cambra, i republicàṅ i n gh'aràṅ più di sò rapreśentànt dl'Inghiltèra Nóva a Washington, un quèl mai sucès da quànd al GOP 'l è nâ in dal 1854.
La Collins da 'l 2012 l'è spuśàda c'n al lubìsta Thomas Daffron.