Angus Young

Angus Young
Irudi gehiago
Bizitza
Jaiotzako izen-deiturak	Angus McKinnon Young
Jaiotza	Glasgow, 1955eko martxoaren 31 (71 urte)
Herrialdea	Australia  Erresuma Batua
Familia
Haurrideak	ikusi Alexander Young (en) George Young Malcolm Young Stephen Young (en)
Hezkuntza
Heziketa	Ashfield Boys' High School (en)
Hizkuntzak	ingelesa
Jarduerak
Jarduerak	gitarra-jotzailea, kantugilea, konpositorea eta rock musician (en)
Lantokia(k)	Sydney
Kidetza	AC/DC Marcus Hook Roll Band (en)
Genero artistikoa	hard rock blues rock rock-and-rolla
Musika instrumentua	Gibson SG (en)
Diskoetxea	EMI

Angus McKinnon Young (Glasgow, Eskozia, 1955eko martxoaren 31) musikaria eta gitarra-jotzailea da. Eskozian jaioa, haurra zelarik familiarekin batera Australiara lekualdatu zen; horregatik, Erresuma Batuko eta Australiako nazionalitateak ditu. AC/DC australiar heavy rock musika taldeko sortzailea izateaz gain, anaia Malcolm Youngekin batera gaur egun arte talde horretan iraun duten kide bakarrak dira. Eragin eta ospe handiko taldea da, eta aldizkari ugaritan musika-jotzaile onenen artean aipatu dute.

Youngek agertokian gauzatu ohi dituen mugimendu gartsu eta basatiei zor die lortu duen ospearen zati bat. Hard rock munduan, ospetsua da Angusen ahate ibilkera berezia; gainera, musika emanaldietan eskolako uniformea jantzi ohi du. Rolling Stone aldizkariak inoizko ehun gitarra-jotzaile onenen zerrendako 96. postuan ezarri zuen; Total Guitar aldizkariak, berriz, hogeigarren postuan.

Angus Young Glasgowen jaio zen (Eskozian), 1955eko martxoaren 31n. Gurasoak Malcolm William Young (1911–1985) eta Margaret Young (1913–1988) izan zituen eta, 1963an, haurra zelarik, ia familia osoa Australiara joan zen bizitzera. Senideak George, Margaret, Malcolm eta Alex zituen eta azken hori Londresen geratuko zen.

Sydneyen, Young senideen artean musika taldea osatzen hasi ziren eta Angus banjoa jotzeari ekin zion. 1970ean, bigarren eskuko lehen gitarra erosi zuen etxe ondoko musika denda batean.

Bederatzi urte zituen gitarra jotzen hasi zenean eta, hamabost urterekin, eskola utzia zuen. Gustura joaten zen lanera, horrela, bizitza osorako afizioa izan zuenerako materiala lortzeko aukera izaten baitzuen. George anaia The Easybeats bandako kide zen eta Angus eta Malcolmi irakatsi zien gitarra jotzen. Hasiera batean Kentuckee izena bazuen ere, Tantrum izan zuen lehen banda eta badirudi garai hartan ekin ziola duck walk edo ahate ibilkerari, Chuck Berry miretsia imitatuz. Eskolako jantzia erabiltzea, berriz, arrebaren ideia izan omen zen, Angus presaka etortzen baitzen eskolatik eta ez omen zuten janzkera aldatzen denborarik galdu nahi.

Ez da bizitza pribatua agertzearen zale. Sydneyn bizi da, Kangaroo Pointen (Sutherland Shire) emazte Ellenekin batera. Aaltenen (Herbehereak) ere badu etxea —hangoa da emaztea—. Erretzaile sutsua da, baina ez du edaririk probatzen.

2012ko maiatzaren 16an, Guitar Magazinek eginiko inkesta batean, inoiz izandako australiar gitarra-jotzaile hoberena izendatu zuten.

1973an, Youngek hemezortzi urte zituela, anaia Malcolmekin batera, AC/DC taldea sortu zuen. Izena arrebaren josteko makinan agertzen zen idatziaren laburduratik atera omen zuten (alternating current/direct current); euskaraz “korronte alternatiboa, korronte jarraia”. Horrek taldearen energia eta potentziala irudikatuko zuela pentsatu zuten.

Bandaren hasierako kideak Malcolm gitarra-jotzailea, Phil Rudd bateria, Mark Evans baxu-jolea eta Angus gitarra-jotzailea izan ziren. Can I Sit Next To You Girl izan zen haien lehen singlea. Dave Evans kantaria zen.

Aurrerago, hainbat ordezkapen izan ziren; 1974an, Bon Scott bokalistak hartu zuen Dave Evansen tokia, baina, 1980an, edariarekin zituen arazoak zirela-eta, hil egin zen eta Brian Johnsonek hartu zuen haren lekua.

Denboraren poderion, Angus estilo pertsonala azpimarratzen hasi zen. Ikuslegoa txunditzeko moduko itxuraren bila, hainbat mozorro erabili zituen hasieran: gorila, Spiderman, Superman... azkenean, arrebaren iradokizunari jarraituz, eskola-uniformea hartu zuen arte. Margareten iritziz, umekeriatan ibiltzen zen eta ondo zihoakion janzkera hori. Horrez gain, emanaldi guztietan unean zeuden herriko banderadun galtzontziloak erakusteko joera hartu zuen. Eszenatokian gauzatu ohi dituen mugimendu gartsuek eta gitarra jotzeko duen talentuak ospetsu egin dute: historian izan diren gitarra-jotzaile onenen artean dago.

Angusek dioenez, eragin handiak jaso ditu hemendik eta handik: Malcolm anaia, Chuck Berry, Freddie King, Muddy Waters, Keith Richards... Orain, ordea, berak du eragina besteengan. Haren estiloak zirrara handia sortzen du hard rock musika jotzaileen artean. Gainera, AC/DC taldean eginiko lan bikaina gazte eta talde ugariren inspirazio iturri izan da, besteak beste, Guns N' Roses, Slayer, The Cult, Jackyl, Metallica, Def Leppard, Iron Maiden, Disturbed, Jet, Alter Bridge, Buckcherry, Airbourne, The Darkness, Rob Tognoni, Wolfmother eta You Am I.

2006ko abuztuaren 24an, Kerrang! aldizkariko Legend Award saria jaso zuen Paul Brannigan editorearen eskutik. Honek, AC/DC historiako talde onenetako bat zela esan zuen.

Paytem Jane kantari eta modeloak Angusek idatziriko Big Jack gaiari zor dio bere goitizena.

Gibson etxeak, Angusen ospea aprobetxatuz, Gibson Angus Young Signature izeneko modeloa kaleratu zuen.

2012ko maiatzaren 16an, Guitar Magazinek eginiko inkesta batean, inoiz izandako australiar gitarra-jotzaile hoberena izendatu zuten.

Estilo berezia du, bai janzkerarengatik, bai agertokian gauzatu ohi dituen mugimendu gartsu eta basatiengatik. Jauzika eta batetik bestera korrika aritzen da kontzertuetan, baita taldeko kideen bizkar gainera igo ere. Ahate ibilkera ere haren estiloaren bereizgarri da.

Musikari dagokionez, 1950eko hamarkadako rock and rolla eta bluesaren eragina nabaria da. Horrez gain, folk eskoziarraren kutsu bat ere badu. Angusek, gitarra jotzeaz gain, koroak ere egiten ditu hainbatetan, T.N.T. eta Dirty Deeds Done Dirt Cheap kantetan adibidez. Beste batzuetan, bakarko saioak egiten ditu.

Bada AC/DC taldearen kantak sinpleegiak direla esaten duenik ere. 1979an, Atlanta Gazettek eginiko elkarrizketan, honako hau erantzun zuen Youngek:

• 
  Angus Young 2001ean Alemanian
• 
  Angus Young eta Brian Jones Minessotan, 2008ko azaroaren 23a
• 
  Angus Young bereak eta bi eginez, 2001

Wikimedia Commonsen badira fitxategi gehiago, gai hau dutenak: Angus Young

• Angus Youtuben
• Angus eta AC/DC Bilbon, 2009an
• AC/DC taldearen webgunea (Ingelesez)
• AC/DC Bilbon izandakoaren kronika El Mundon-2009
• AC/DC Bilbon izandako kronika El Correon