Daily Mirror

Daily Mirror
Mota	egunkari, egunkari eta aldizkako argitalpen
Fitxa teknikoa
Lehen zenbakia	1903
Hizkuntza	ingeles
Argitaratze lekua	Londres
Formatua	tabloide
Argitaletxea	Reach plc (en)
Banaketa
Ekoizpen osoa	267.133 (2023ko maiatzaren 1a)
Banatze-eremua	Alderdi Laborista
Historia
Ideologia	Alderdi Laborista
Editore-burua	Alison Phillips (en)
Erredaktoreak	Mary Howarth (en)
Identifikadoreak
ISSN	0307-0204
mirror.co.uk

Daily Mirror goizeko egunkari horiaa. Batez ere argazki-erreportajeen bidez, albisteak irakurleei hurbiltzen saiatzen da. Tabloide formatuan inprimatzen da. Gaur egun Alison Phillipsek argitaratzen du.

Egunkaria Lord Northcliffe-k (Daily Mail egunkariaren jabea) sortu zuen 1903an, emakumeei eskainitako argitalpen gisa, baina eskema horrek hilabete batzuk baino ez zituen iraun, egunkari generalista bihurtu aurretik. Tabloide tamainan inprimatu zen lehen egunkaria izan zen, prentsak ordura arte erabilitako izara tamainan ez bezala.

1932tik aurrera, Mirror erdi-mailako klasean zentratzetik langile-klasea ordezkatzera igaro zen, eta Alderdi Laboristaren aldeko jarrera hartu zuen. Urte hartan egin zuen debuta Jane komikiak, eta ospe handia izan zuen gerran. 1943an Garth prentsa komikia argitaratzen hasi zen, 1997ra arte iraungo zuena.

50eko eta 60ko hamarkadetan Britainia Handiko eta Europako egunkaririk salduena bihurtu zen; 1978an The Sun egunkariak gainditu zuen. 1957an Andy Capp komiki-zerrenda argitaratzen hasi zen, eta gaur arte argitaratzen jarraitu da.

1984an Robert Maxwell txekiar finantzariak erosi zuen. Haren agindupean, eta geroago Piers Morgan editorearen agindupean, 1990eko hamarkadan, egunkariaren ildo editorialak liberalismo klasikoago baterantz jo zuen klase ertainetara eta emakumezko publikoarengana jotzeko, Sun edo Daily Star delakoaren populismotik bereizteaz gain.^[1]

Egunkariaren igandeko edizioa Sunday Mirror da,^[2] 1915 eta 1963 bitartean Sunday Pictorial izenarekin argitaratu zena. Notebook aldizkaria igandero argitaratzen da egunkariarekin.^[3]

• (Ingelesez) Egunkariaren webgunea