Homotherium

Homotherium
Irudi gehiago
Sailkapen zientifikoa
Klasea	Mammalia
Ordena	Carnivora
Familia	Felidae
Subfamilia	Machairodontinae
Generoa	Homotherium Fabrini, 1890
Banaketa mapa
Datu orokorrak
Altuera	1,1 m
Masa	190 kg

Homotherium desagertutako felido-genero bat da —zehazki, ezpata-hortzdun katuen taldekoa—, Machairodontinae azpifamilia desagertuaren barruan sailkatua. Ipar Amerikan, Eurasian eta Afrikan bizi izan zen, eta, ziurrenik, Hego Amerikan ere bai; Pliozeno eta Pleistozeno garaietan bizi izan zen, duela 4 milioi urte ingurutik duela 12.000 urtera bitartean. Machairodontinae azpifamiliaren azken ordezkarietako bat izan zen, Smilodon ezpata-hortzdun ospetsuarekin batera. Tamaina handiko felidoa zen, lehoi baten parekoa; 200 kilogramorainoko pisua izan zezakeen, eta bizi zen ekosistemetan goi-mailako harrapari gisa jarduten zuen. Lepo luzea eta hanka nahiko luzeak zituen; bizkarra, aldiz, nahiko laburra zen, eta buztana, oso laburra. Siberian aurkitutako H. latidens espezieko kume baten momiak —Pleistozeno berantiarrekoa— erakusten duenez, animaliaren ilea kolore marroi ilun uniformekoa zen. Smilodon generoarekin alderatuta, Homotheriumen letaginak laburragoak ziren (nahiz eta gaur egungo felidoenak baino luzeagoak izan). Iradoki denez, Smilodonen aldean ekologia desberdina zuen: abiadura ertaineko harrapari ehiztaria zen, erresistentzia handikoa, eta habitat irekietan harrapakin handiak —hala nola antilopeak, ekidoak, bobidoak eta mamut kumeak— nekatu arte jazartzeko egokituta zegoen. Era berean, uste da Homotheriumek ehiza kooperatiboa ere praktika zezakeela.

• †Homotherium serum
• †Homotherium latidens
• †Homotherium aethiopicum
• †Homotherium hadarensis
• †Homotherium nestianus
• †Homotherium nihowanensis
• †Homotherium sainzelli
• †Homotherium ultimum
• †Homotherium crenatidens
• †Homotherium venezuelensis