Koloa Talake

Koloa Talake
Tuvaluko Lehen Ministroa 2001eko abenduaren 14a - 2002ko abuztuaren 24a ← Faimalaga Luka - Saufatu Sopoanga → Minister of Foreign Affairs (en) 2001eko abenduaren 14a - 2002ko abuztuaren 2a
Bizitza
Jaiotza	Vaitupu (en) , 1934ko ekainaren 7a
Herrialdea	Tuvalu
Heriotza	Auckland, 2008ko maiatzaren 26a (73 urte)
Hobiratze lekua	North Shore (en)
Jarduerak
Jarduerak	politikaria

Koloa Fineaso Talake (Vaitupu, 1934ko ekainaren 7a – Auckland, 2008ko maiatzaren 26a) tuvalutar politikaria izan zen. Tuvaluko lehen ministroa izan zen 2001etik 2002ra.

Gilbert eta Ellice uharteetako koloniako auditore nagusia izan zen 1973tik 1975era, eta gero Tuvaluko auditorea (1976-1977) eta finantza-idazkaria (1977-1978). 1993tik Legebiltzarreko Vaitupuko diputatua izan zen. 1999an, Bikenibeu Paeniu lehen ministroaren dimisioa eragin zuen zentsura-botoaren alde bozkatu zuen.

Tuvaluko lehen ministro eta Kanpo Arazoetako ministro izan zen bederatzi hilabetez 2001eko abendutik 2002ko abuztura, Faimalaga Luka lehen ministroak konfiantzarik gabeko botoa galdu ondoren. 2002an, Kiribati eta Maldivetako gobernariekin batera, Amerikako Estatu Batuak eta Australia auzitara eraman zituen Kyotoko protokoloa ez sinatzeagatik eta itsas mailaren igoera eragiteagatik.

2002ko hauteskundeetan ez zuten Talake aukeratu eta lehen ministro kargua utzi behar izan zuen. Bere seme-alabak bizi ziren Zeelanda Berrira joan zen bizitzera.