Melissa Mathison
| Melissa Mathison | |
|---|---|
| Bizitza | |
| Jaiotza | Los Angeles, 1950eko ekainaren 3a |
| Herrialdea |  Ameriketako Estatu Batuak |
| Heriotza | Los Angeles, 2015eko azaroaren 4a (65 urte) |
| Heriotza modua | berezko heriotza: minbizia |
| Familia | |
| Ezkontidea(k) | Harrison Ford (1983 - 2004) |
| Hezkuntza | |
| Heziketa | Kaliforniako Unibertsitatea Berkeleyn |
| Hizkuntzak | ingelesa |
| Jarduerak | |
| Jarduerak | gidoilaria eta ekoizle exekutiboa |
| Altuera | 180 zentimetro |
| Jasotako sariak | ikusi
|
| Kidetza | Mendebaldeko Ameriketako Idazleen Elkartea |
      | |
Melissa Marie Mathison (Los Angeles, 1950eko ekainaren 3a - Los Angeles, 2015eko azaroaren 4a) zinema eta telebistako gidoilari estatubatuarra izan zen.[1]
Biografia
[aldatu | aldatu iturburu kodea]1950eko ekainaren 3an jaio zen Los Angelesen. 5 anaia-arreba ziren. Aita Richard Randolph Mathison zen, Newsweekeko Los Angeleseko bulego burua eta ama Margaret Jean Mathison (Kieffer ezkondu aurretik) elikadurari buruzko idazlea eta enpresaria.[1]
Melissa Mathisonek Providence High School bigarren hezkuntzako institutuan ikasi zuen eta 1968an graduatu zen. Ondoren, Kaliforniako Unibertsitatean (UCLA) ikasi zuen, Berkeleyn.[1] Familia laguna zen Francis Ford Coppolak bere laguntzaile lana eskaini ziolako utzi zuen unibertsitatea eta harekin harremana izan zuen,The Godfather, Part II filmean hasita eta Apocalypse Now filma arte iraun zuen.[2] Coppolak bultzatuta idatzi zuen The Black Stallion filmaren gidoia.[3]
1983ko martxoaren 14an, 33 urteko Melissa Mathison 41 urteko Harrison Ford aktorearekin ezkondu zen. Melissa Mathison Harrison Forden bigarren emaztea izan zen eta bi seme-alaba izan zituzten. 1987ko urriaren 3an Malcolm Ford lehen semea izan zuten eta hiru urte geroago Georgia Ford alabaren guraso bihurtu ziren (1990eko ekainaren 30ean). Bikotea 2004ko urtarrilaren 6an dibortziatu zen; bi seme-alabek, Malcolm eta Georgia nerabeek, 17 eta 14 urte zituzten, hurrenez hurren.
1990ean Dalai Lama ezagutu zuen Kundun filma egiten ari zela eta adiskidetasuna garatu zuen harekin. Tibetaren aldeko kanpaina ugaritan aritu zen.[4]
2015eko azaroaren 4an hil zen minbiziarekin (tumore endokrinoa).[5]
Lana
[aldatu | aldatu iturburu kodea]Ezaguna zen filmetarako gidoiak idazteagatik: E.T., estralurtarra (1982), Steven Spielbergena, Oscar sarietarako izendapena jaso zuena; eta Martin Scorseseren Kundun, Dalai Lamari buruzko filma. Mathisonek berriro kolaboratu zuen Spielbergekin hamarkada batzuk geroago, The BFG (2016) filmaren gidoirako, Roald Dahlen izen bereko ipuinean oinarritua.[1][6][7]
Filmografia
[aldatu | aldatu iturburu kodea]| Filma | Urtea | Oharrak |
|---|---|---|
| The BFG | 2016 | Eskaintza |
| Ponyo | 2008 | |
| The Emperor's New Clothes: An All-Star Illustrated Retelling of the Classic Fairy Tale | 1998 | |
| Kundun | 1997 | |
| The Indian in the Cupboard | 1995 | |
| Son of the Morning Star | 1991 | |
| Twilight Zone: The Movie | 1983 | "Kick the Can" segmentua |
| The Escape Artist | 1982 | |
| E.T., estralurtarra | 1982 | |
| The Black Stallion | 1979 |
Sariak eta aitorpenak
[aldatu | aldatu iturburu kodea]| Urtea | Kategoria | Lana | Emaitza |
|---|---|---|---|
| 1983[8] | Jatorrizko gidoi onena | E.T., estralurtarra | izendatua |
Erreferentziak
[aldatu | aldatu iturburu kodea]- 1 2 3 4 (Ingelesez) Saperstein, Pat. (2015-11-04). «Melissa Mathison, ‘E.T.’ Screenwriter and Ex-Wife of Harrison Ford, Dies at 65» Variety (kontsulta data: 2026-08-06).
- ↑ Wasson, Sam. (2003). The Path to Paradise: A Francis Ford Coppola Story.. New York: Harper, 178 or. ISBN 9780063037847..
- ↑ (Ingelesez) Bradshaw, Peter. (2015-11-05). «Melissa Mathison: a masterful storyteller who brought ET to life» The Guardian ISSN 0261-3077. (kontsulta data: 2026-08-06).
- ↑ (Ingelesez) Mathison, Melissa. (2011-07-21). «A Conversation with the Dalai Lama» Rolling Stone (kontsulta data: 2026-08-06).
- ↑ (Ingelesez) «Melissa Mathison dies at 65; screenwriter of 'E.T.,' 'Black Stallion,' 'Kundun'» Los Angeles Times 2015-11-05 (kontsulta data: 2026-08-06).
- ↑ Melissa Mathison. .
- ↑ (Ingelesez) Weber, Bruce. (2015-11-06). «Melissa Mathison, the Screenwriter Behind a Classic, ‘E.T.,’ Dies at 65» The New York Times ISSN 0362-4331. (kontsulta data: 2026-08-06).
- ↑ «The 55th Academy Awards. 1983» oscars.org (kontsulta data: 24 de agosto de 2019).
| Autoritate kontrola |
|
|---|
Datuak: Q435696