Packard Bell

Packard Bell
Datuak
Izen ofiziala	PB Holdings Co., NEC Computers Inc., Packard Bell NEC Inc., Packard Bell Electronics Inc., Packard Bell Division of Teledyne Inc., Packard Bell Electronics Corporation, Packard Bell Corporation, Packard Bell Company eta Jackson Bell Company
Mota	negozioa, enpresa, teknologia konpainia eta marka
Jarduera sektorea	computer hardware industry (en)
Herrialdea	Ameriketako Estatu Batuak
Jarduera
Eskumendekoak	Zenith Data Systems
Ekoizpena	ordenagailu pertsonal, periferiko eta datuak biltzeko gailua
Agintea
Egoitza nagusi	Chatsworth
Legezko forma	filial
Jabea	Acer
Historia
Sorrera	1926
Sortzailea	Leon Packard Herb Bell
Sorlekua	Chatsworth (en)
Desagerpena	2008ko otsaila
webgune ofiziala

Packard Bell herbeheretar enpresa multinazionala da, informazioaren eta komunikazioaren teknologien ekipamendu eta zerbitzuen arloan dabilena. 2008tik aurrera Acer Inc. taiwandar taldearen parte da.^[1][2]

Hasieran Packard Bell Electronics, Inc. irrati ekoizle estatubatuarra izan zen, 1933an Los Angelesen sortua. Geroago, Estatu Batuetako armadarako ekipamendu-hornitzaile eta beste aparatu batzuen fabrikatzaile bihurtu zen, hala nola telebisten fabrikatzaile. 1968an Teledynek erosi zuen konpainia.

1986an, Beny Alagemek eta inbertitzaile talde batek "Packard Bell" marka erosi zioten Teledyneri, eta ordenagailu pertsonal merkeen fabrikatzaile gisa berpiztu zuten. Supermerkatu handiak eta Sears bezalako merkataritza-guneak aukeratu zituzten salmenta-kanal gisa, eta, beraz, nahiko ezaguna bihurtu zen.

1996an, Groupe Bullen Zenith Data Systemsek ( % 80) eta NECek (Nippon Electric Corporation) ( % 20) erosi zuten kapital soziala. Konpainiaren izen ofiziala Packard Bell NEC bihurtu zen orduan, nahiz eta bere produktuak bi marka komertzialetan saltzen zituen: NEC (batez ere, eramangarriak eta zerbitzariak) eta Packard Bell (etxeko merkatura zuzendutako mahai gaineko ordenagailuak). Estatu Batuetako salmentek, ordea, behera egin zuten, eta marka 2000. urtean amaitu zen, Estatu Batuetako merkatua utzita.

Ondoren, konpainiaren kapitalean NECen partaidetza nabarmen handitu zen, eta honek berriro ere izena aldatu zuen, oraingoan NEC Computers Internationalera. Konpainia honek NEC ordenagailuen fabrikazioaz eta banaketaz arduratzen da mundu osoan, Japonian eta Txinan izan ezik, eta Packard Bell marka mantendu du bere aktibo gisa, beti etxeko merkatura bideratua. Hori dela eta, Europan oso ezaguna izaten jarraitzen du bere PCengatik, baita ordenagailu eramangarriak ere bere produktuen artean. MP3 erreproduzitzaileen, disko gogorren eta monitoreen merkatuan ere sartu da.

2006ko irailean John Huik erosi zuen, eMachinesen aurreko jabeak. Honek Gateway, Inc.i eMachines saldu zion. 2004ko urtarrilaren 30ean. Packard Bell BV bezala ezagutzen den unean, Nijmegenen birlokalizatu zuten.

2007ko abuztuan, Lenovo enpresa txinatarrak Packard Bell erosteko interesa berretsi zuen, bere merkatua Europan hedatzeko mugimendu batean. Horren ondoren, 2007ko irailean, Acer/Gatewayk Packard Bell erosteko interesa agertu zuen. Interesa 2008ko urtarrilean berretsi zen, Acerrek iragarri zuenean Packard Bellen kontrola hartu zuela konpainiaren % 75 erosita 30 milioi euroren truke.^[3]