Roofman

Roofman
Jatorria
Argitaratze-data	2025
Izenburua	Roofman
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Ezaugarriak
Genero artistikoa	krimenezko filma, Film biografikoa eta romantic comedy film (en)
Iraupena	126 minutu
Zuzendaritza eta gidoia
Zuzendaria(k)	Derek Cianfrance (en) [[Kategoria:Derek Cianfrance (en) zuzendutako filmak]]
Antzezlea(k)
Channing Tatum (Jeffrey Manchester) Kirsten Dunst Ben Mendelsohn Lakeith Stanfield Juno Temple Melonie Diaz Uzo Aduba Lily Collias Jimmy O. Yang (en) Peter Dinklage Emory Cohen Molly Price (en) Tony Revolori Punkie Johnson (en) [[Kategoria:Jimmy O. Yang (en) antzeztutako filmak]] [[Kategoria:Molly Price (en) antzeztutako filmak]] [[Kategoria:Punkie Johnson (en) antzeztutako filmak]]
Ekoizpena
Ekoizlea	Lynette Howell Taylor (en) [[Kategoria:Lynette Howell Taylor (en) ekoitzitako filmak]]
Bestelako lanak
Musikagilea	Christopher Bear (en)
Argazki-zuzendaria	Andrij Parekh (en)

Roofman (edo Roofman, teilatuetako lapurra) Derek Cianfrance-k zuzendutako 2025eko polizia-film eta komedia dramatiko estatubatuarra da. Filmak Jeffrey Manchester lapurraren benetako istorioa kontatzen du, Channing Tatum-ek antzeztua. Manchesterrek 40-60 McDonald's jatetxetan lapurtu zuen 1998-2000 urteen artean; teilatuetan zuloa eginda sartzen zen komertzioetan, eta hortik datorkio Roofman izengoitia (teilatuetako gizona). Atxilotu eta kartzelaratu zuten, baina ihes egitea lortu zuen, eta Toys "R" Us jostailu denda baten barnean hilabeteak eman zituen ezkutaturik. Filmak ezkutaldi hori kontatzen du, batez ere. Tatum-ekin batera Kirsten Dunst, Peter Dinklage eta LaKeith Stanfield aktoreek jokatzen dituzte filmeko rol nagusiak.

Filmak 2025eko irailaren 6an izan zuen mundu mailako estreinaldia Torontoko Nazioarteko Zinemaldian (Kanada), eta Estatu Batuetako zinemetan estreinatu zuen Paramount Picturesek 2025eko urriaren 10ean. Kritikarien aldetik kritika positiboak jaso zituen, eta 34,8 milioi dolar bildu zituen mundu osoan. Euskarazko audioarekin Prime Video plataformak estreinatu zuen 2026ko maiatzaren 30ean.

• Channing Tatum: Jeffrey Manchester soldadu ohia eta lapurra. [euskal bikoizlea: Iker Diaz]^[1]
• Kirsten Dunst: Leigh Wainscott, Manchester ezkutatzen den Toys "R" Us dendako langilea. [euskal bikoizlea: Ana Lastagarai]
• LaKeith Stanfield: Steve, soldadu ohia eta Manchesterren laguna, eta falsifikatzailea. [euskal bikoizlea: Jon Goiri]
• Juno Temple: Michelle, Steveren neska-laguna.
• Peter Dinklage: Mitch, Manchester ezkutatzen den Toys "R" Us dendako gerentea. [euskal bikoizlea: Pello Artetxe]
• Ben Mendelsohn: Ron Smith, Manchesterrek bere ezkutaldian bisitatzen duen elizako apeza. [euskal bikoizlea: Josu Varela]