Saiph
Saiph, Kappa Orionis (κ Orionis, laburtuta Kappa Ori, κ Ori) eta 53 Orionis (53 Ori) izendapenez ere ezaguna, supererraldoi urdin bat da, eta Orion konstelazioko seigarren izarrik distiratsuena. Orionen lauki nagusia osatzen duten lau izar distiratsuetatik, hego-ekialdeko izkinan dagoena da. Hegoalderantz begira dagoen ipar hemisferioko behatzaile batek Orionen behealdeko ezkerrean ikusiko luke, eta iparralderantz begira dagoen hego hemisferioko behatzaile batek goialdeko eskuinean. Paralaxi neurketen arabera, Eguzkiatik 650 argi-urte (200 parsec) ingurura dago[1]. Rigel baino txikiagoa eta ez hain distiratsua da, baina gainazalean beroagoa, eta 2,1eko magnitude itxurazkoa du[2]. Izar honen distira apur bat aldatzen da, 0,04 magnitudeko aldakortasunarekin[3].
Erreferentziak
[aldatu | aldatu iturburu kodea]- ↑ (Ingelesez) van Leeuwen, F.. (2007-11). «Validation of the new Hipparcos reduction» Astronomy & Astrophysics 474: 653–664. doi:..
- ↑ (Ingelesez) Crawford, D. L.; Barnes, J. V.; Golson, J. C.. (1971). «Four-color, H-beta, and UBV photometry for bright B-type stars in the northern hemisphere» The Astronomical Journal 76: 1058. doi:..
- ↑ (Ingelesez) Lefèvre, L.; Marchenko, S. V.; Moffat, A. F. J.; Acker, A.. (2009-11). «A systematic study of variability among OB-stars based on HIPPARCOS photometry» Astronomy & Astrophysics 507: 1141–1201. doi:..