Kabul

Kabul tien una antigüedá de más de 3000 añus, pos se crei que fue fundá entre’l 2000 a. C. i el 1500 a. C. Nel testu hindú Rig Vedá se menciona la palabra "Kubhā" pa referil-si al ríu Kabul. Enque no está claru qual era’l nombri que recibía la ciá ena antigüedá, sigún distintas fuentis l’assentamientu era conocíu comu Chabolo, Kophes. Los persas nel Prantilla:Siglo la llamaban Kabura i el sabiu chinu Xuanzang la denomina Gaofu, por exemplu.

Nel Prantilla:Siglo dela nuestra era, la ciá fue conquistá pol primer emperaol Kushana, i permaneció nel imperiu ata’l Prantilla:Siglo, periodu duranti’l qual Kabul fue una delas dos capitalis delos Kushan. Nel añu 435 fue conquistá polos heftalitas —hunus blancus—. Endispués dela su derrota, los sus descendientis formarun una curta dinastía en Kabulistán, llamá Kabul-Shahan, i construirun un muru defensivu alreol dela ciá pa protegel-si de possiblis ataquis delos árabis. Angunus restus d’essi muru s’han conservau ata ogañu.

El Liang Shu tamién describi la conversión al budismu de Fusang por parti delos seis monjis budistas procedentis de Gandhara —ogañu Afganistán—:

Prantilla:Cita

Nel añu 674 las invasionis islámicas alcançan l’ogal territoriu d’Afganistán i conquistarun Kabul. Nostanti, no fue ata prencepius del Prantilla:Siglo, cola llegá de Ya'qub bin Laith as-Saffar, fundaol dela dinastía safárida del esti d’Irán, quandu s’estableció definitivamenti’l control islámicu sobri la ciá i sobri tol Afganistán.

Duranti los sigrus siguiientis, la ciá fue controlá successivamenti polos samánidas, la dinastía hindú Shahí, los Gaznávidas i el Imperiu Gurida. Nel Prantilla:Siglo Kabul fue ocupá polas ordas mongolas, i nel Prantilla:Siglo volvió a resurjil comu centru comercial baxu’l control de Tamerlán, que se casó cola ermana del gobernaol de Kabul. Nostanti, al decael el poel delos Timúridas —descendientis de Tamerlán—, la ciá fue conquistá en 1504 por Babur, emperaol mogol que instaló nella’l su quartel general.

Nadir Shah, emperaol conocíu comu’l Napoleón Persa, conquistó la ciá en 1738, peru fue assassinau nuevi añus endispués. Ahmad Shah Durrani, militar afganu que mandaba la guardia pressonal de Nader Shah, assumió’l tronu ala muerti d’esti. Reafirmandu’l poel delos pashtunes, estendió los sus dominius i formó un nuevu imperiu afganu. Por essu se considera de continu el fundaol dela ogañu Repúbrica Islámica d’Afganistán. Endispués dela su muerti, el su iju, Timur Shah Durrani, eredó’l poel i trasladó la capital d’Afganistán de Kandahar a Kabul.

En 1826, Dost Mohammed Khan assumió’l títulu de nuevu monarca afganu; nostanti, en 1833, ante’l mieu de que la influencia russa s’estendiera ata las rayas dela India, el país fue invadíu pol Imperiu británicu, que puso nel poel un impopular gobiernu títeri al mandu de Shuja Shah, dandu prencepiu ala Primera guerra anglo-afgana, que remató en 1842 cola derrota delos británicus. Dost Mohammed fue entoncis liberau dela prisión i recuperó’l su tronu.

En 1878, los británicus volverun a invadil Afganistán, lo que dio prencepiu ala Segunda guerra anglo-afgana, que se prolongó ata 1881, quandu se retirarun ala India endispués d’habel dexau nel poel a Amir Abdur Rahman.

En 1919, el rei Amanulá Khan assumió’l poel i encetó una serie de reformas occidentalizantes. Decretó, amás, la independencia d’Afganistán de tol control estranjeru ena Mesquita d’Id Gah, i dio prencepiu ala Tercera guerra anglo-afgana, cuyas negociacionis de pas acabarun en 1921. En 1929 Amanulá se vio obligau a abandonal Kabul por causa dun levantamientu delos setoris ultraconservaores, encabeçau pol antiguu bandíu Habibulá Kalakani, que usurpó’l tronu. La ciá quedó duranti varius mesis baxu’l dominiu delas huestis de Kalakani, que intentó revertíl toas las reformas, ata que fue derrotau i executau. En 1933 el nuevu rei Nadir Khan fue assassinau, assumíendu’l tronu el su iju, de namás decinuevi añus, Mohamed Zahir Shah, que sería finalmenti’l últimu rei d’Afganistán.

En 1932 se fundó la primera nuversidá afgana, la Nuversidá de Kabul, i la ciá encetó a crecel comu centru industrial del país ena década delos 40. Enos añus 50 encetó’l pavimentau delas callis de Kabul. Enos 60 la ciá adquirió características más cosmopolitas, abrió la primera tienda duna cadena enternacional —Marks & Spencer— de toa Asia Central, i en 1967 s’inauguró’l Zoológicu de Kabul.

En 1969 se registró un levantamientu religiosu contra las políticas reformistas del rei. En 1973 un golpi d’Estau encabeçau por Mohammed Daud Khan derrocó’l rei i instauró una repúbrica. En 1975 un sistema de trolebusis elétricus proporcionó trasporti púbricu ala ciá. El sistema fue construíu con asistencia técnica de Checoslovaquia.

En 1978 la ciá fue’l epicentru dela Revolución de Saur, qu’instauró un gobiernu socialista. El nuevu régimi aplicó un planu de desenvolvimiento dela capital i de construción de viviendas pa trabajaoris, col objetivu de solucional la pésima situación abitacional de Kabul —delos 70 000 edificius de vivienda que había entoncis, 40 000 eran inabitablis i 20 000 familias no tenían casa—, que se realizó con ajuda soviética.^[15] En 1979 tuvo lugal el golpi d’Estau de Hafizullah Amín —setiembri— i el su posterior derrocamientu —diziembri—. Kabul era un bastión palos comunistas afganus duranti la guerra contra los muyahidinis; estos últimus cometierun numerosus atentáus terroristas ena ciá. En 1989 se cerró la embaxá delos Estaos Uníus en Kabul, endispués dela retirada delas tropas soviéticas que habían llegau diez añus dantis.

En 1992 el gobiernu comunista de Mohammad Najibullah fue derrocau, i la ciá cayó en poel delos muyahidinis, que, al estal dividíus en faccionis, acontinanon luchandu entre ellus. En diziembri de 1992 se detuvo l’últimu delos trolebusis dela ciá por causa del conflitu armau, i fuerun sustituíus pun sistema de 800 otobusis públicus que acontinó proporcionando trasporti ala puebración. Alreol de 1993, el serviciu d’electricidá i d’agua potabli dela ciá quedó completamenti interrumpíu. En setiembri de 1996 la ciá cayó en poel delos talibanis, que lincharun públicamenti al expresidenti Najibullah i al su ermanu. Endispués dela victoria talibana, las luchas callijeras entre las faccionis rematarun.

Cincu añus endispués, en 2001, las fuerças delos Estaos Uníus invadierun Afganistán, provocandu la huía delos talibanis de Kabul, mentris la Alianza del Norte tomaba’l control dela ciá. Dendi 2003 la ciá encetó lentamenti a recuperal-si, graciâs ala ajuda dela inversión estranjera.^[16]

El 20 de jeneru de 2018 ocurrió un atentau nel Hotel InterContinental, perpetrau pola red global insurgenti el Talibán; l’ataqui dexó un saldu de 22 pressonas muertas i entre 22 i 43 pressonas erías, entre localis i estranjeras.^[17]

El 15 d’abostu de 2021 los talibanis tomarun el control dela ciá duranti la retirada del exércitu estadounidensi, con lo que Kabul pasó a sel la capital del recién restaurau, enque no reconocíu enternacionalmenti, Emiratu islámicu d’Afganistán.^[18] Al mesmu tiempu, el presidenti d’Afganistán, Ashraf Ghani Ahmadzai, abandonó’l país i se declaró nel esiliu junta al Prantilla:Ord vicepresidenti Amrullah Saleh i al 2.º vicepresidenti Sarwar Danish.^[19][9]

La puebración dela provincia se componi dela siguiienti manera:^[20]