SolarEdge
SolarEdge | ||
 | ||
| SolarEdge-omfoarmers op it dak fan in middelbere skoalle yn Eastenryk yn 2014. | ||
| algemien | ||
| sektor | Duorsume enerzjy | |
| haadkertier | Herzliya,  Israel | |
| oprjochte | 2006 | |
| offisjele webside | ||
| https://solaredge.com | ||
SolarEdge Technologies, Inc. is in Israelysk bedriuw dat DC optimalisearre omfoarmersystemen produsearret.
Yn 2023 waard SolarEdge it oandiel mei de measte ferliezen yn 'e S&P 500 foar it jier, wat resultearre yn it fuortheljen fan it oandiel út 'e yndeks. [1] Op 25 juny 2024 sakke SolarEdge yn 'e iere moarnshannel hast 15% nei $28,41. [2]
Skiednis
[bewurkje seksje | boarne bewurkje]SolarEdge waard oprjochte yn 2006 troch Guy Sella, Lior Handelsman, Yoav Galin, Meir Adest, en Amir Fishelov. It bedriuw waard stipe troch risikokapitaal fan GE Energy Financial Services, Norwest Venture Partners, Lightspeed Venture Partners, ORR Partners, Genesis Partners, Walden International, Vertex Ventures Israel, JP Asia Capital en Opus Capital Ventures.
It bedriuw sette ein 2009 útein mei massaproduksje fan syn produkten troch kontraktfabrikant Flex.
Yn maart 2015 brocht SolarEdge by in earste iepenbiere oandiele-útjefte (IPO) 7.000.000 gewoane oandielen út tsjin in priis fan $18,00 it stik. Dêr helle it bedriuw $126 miljoen mei op. De oandielen waarden dêrnei ferhannele op de NASDAQ Global Select Market ûnder it beurssymboal „SEDG”. Goldman Sachs en Deutsche Bank fungearren as de mienskiplike liedende banken by de útjefte.[3]
Yn maaie 2015 gie SolarEdge in gearwurkingsferbân oan mei Tesla Energy[4] om in omfoarmer te ûntwikkeljen dêr’t de Tesla Powerwall, in batterij foar enerzjyopslach yn hûzen dy’t yn april 2015 yntrodusearre wie, mei opladen wurde koe.[5] De SolarEdge-omfoarmer regele sawol it omsetten fan enerzjy fan sinnepanielen as it opladen en ûntladen fan de Powerwall.[6] Yn de rin fan de tiid boude Tesla de gearwurking mei SolarEdge ôf. Sa krige de Powerwall 2, dy’t yn oktober 2016 yntrodusearre waard, in eigen ynboude omfoarmer,[7] en yntrodusearre Tesla yn jannewaris 2021 in eigen sinne-omfoarmer.[8]
Yn oktober 2018 kundige SolarEdge oerienkomsten oan om in grut belang te krijen yn Kokam, in Súd-Koreaanske leveransier fan litium-ionbatterijsellen, batterijen en oplossingen foar enerzjyopslach.[9] Yn jannewaris 2019 kundige SolarEdge oan dat it in mearderheidsbelang yn SMRE oernimme soe,[10] in Italiaanske fabrikant fan oandriuwsystemen foar elektryske auto's. Yn 2019 kundige SolarEdge ek de oername fan Gamatronic oan, in fabrikant fan UPS-systemen, en rjochte it bedriuw de ôfdieling Critical Power op.
Yn jannewaris 2023 kundige SolarEdge de oername fan Hark Systems oan, in yn Europa fêstige bedriuw dat him dwaande hâldt mei enerzjyanalyse ent Internet of Things (IoT).[11]
Nei in striid tsjin kanker ferstoar oprjochter Guy Sella yn 2019. De eardere fise-presidint foar wrâldwide ferkeap, Zvi Lando, waard beneamd ta CEO.[12]
Yn novimber 2024 kundige SolarEdge oan dat it syn ôfdieling foar enerzjyopslach slute soe. Dêrby waarden sa’n 500 meiwurkers rekke, dêr’t it grutste part fan yn Súd-Koreä wurke.[13]
Yn desimber 2024 waard Shuki Nir beneamd ta de nije CEO, hy ferfong dêrmei ynterim-CEO Ronen Faier.[14]
Yn maart 2026 lansearre SolarEdge Nexis, in platfoarm foar sinne-enerzjy en enerzjyopslach foar wenhuzen, dat in ynstelbere trijefazige hybride omfoarmer kombinearret mei in modulêre, stapelbere heechspanningsbatterij. It platfoarm waard earst yn Dútslân lansearre.[15] In batterijmodule hat in kapasiteit fan 4,9 kWh it stik. De batterijmodules kinne opinoar steapele wurde, mei in maksimale kapasiteit fan 20 kWh yn ien steapel. Troch meardere steapels parallel te ferbinen, kin de totale kapasiteit oprinne oant 78 kWh. In steapel kin oant 14 kW oan fermogen leverje.[16] Yn july 2026 wreide SolarEdge de beskikberens fan Nexis út nei de Feriene Steaten.[17]
Sjoch ek
[bewurkje seksje | boarne bewurkje]Referinsjes
[bewurkje seksje | boarne bewurkje]- ↑ SolarEdge slides out of S&P 500 after losing over 70% of value this year (3 December 2023).
- ↑ "SolarEdge Technologies Stock Plunges on Customer Bankruptcy".
- ↑ Richardson, Jake, "$126 Million Dollar IPO For SolarEdge", Clean Technica, March 30, 2015. Oproppen op June 26, 2022.
- ↑ "Tesla's Battery Push Is Good News for This Israeli Solar Company", Bloomberg. Oproppen op June 26, 2022.
- ↑ "Will Tesla's Battery for Homes Change the Energy Market?", Scientific American. Oproppen op May 5, 2015.
- ↑ "Tesla Motors and Solaredge Technologies to unveil powerwall at uk show", Business Finance News.
- ↑ (in) Tesla unveils residential solar roof and new Powerwall battery. Oproppen op 1 july 2026.
- ↑ (in) Tesla introduces U.S.-manufactured solar panels, completing home energy ecosystem. Oproppen op 1 july 2026.
- ↑ SolarEdge to acquire Kokam (October 11, 2018). Oproppen op October 15, 2018.
- ↑ Wenkert, Amarelle, "SolarEdge Buys Industrial Machinery Firm SMRE as Part of Electric Vehicle Push", CTECH – www.calcalistech.com, January 7, 2019. Oproppen op November 2, 2021.
- ↑ (in) SolarEdge to Acquire Hark Systems, a European-Based Energy Analytics and IoT Company. Oproppen op 1 septimber 2023.
- ↑ Martín, José Rojo, "SolarEdge CEO Guy Sella dies after cancer battle", Energy Storage News, August 27, 2019.
- ↑ SolarEdge Announces Closure of Energy Storage Division. Oproppen op 27 febrewaris 2025.
- ↑ SolarEdge Appoints Shuki Nir as Chief Executive Officer. Oproppen op 10 jannewaris 2025.
- ↑ SolarEdge launches Nexis hybrid inverter and high-voltage battery for residential PV. pv magazine (19 maart 2026).
- ↑ SolarEdge launches Nexis residential storage system with modular high-voltage battery. Energy Storage News (19 maart 2026).
- ↑ SolarEdge says its new 'Lego-like' home battery installs in under 30 minutes. Electrek (9 july 2026).