Cefalea tensional

Cefalea tensional
Atención! Wikipedia non dá consellos médicos. Se cre que pode requirir tratamento, consúltello ao médico.
Muller cunha cefalalxia.
Instancia de síntoma sinal de síntoma doenza  Subclase de cefalalxia  Causado por descoñecido
Características
Especialidade médica neuroloxía
Síntomas cefalalxia
Tratamentos posibles analxésico antidepressivo tricíclico (pt)
Exames médicos exame médico
Fármacos para tratamento paracetamol aspirina Ibuprofeno amitriptilina (pt)
Fontes e ligazóns Freebase /m/01vnk8 MeSH D018781 Thesaurus do NCI C117070 CIAP-2 N95 DiseasesDB 12554 CIE-11 1410019257 CIE-9 307.81 MedlinePlus 000797 eMedicine 1142908 OpenAlex C2777722682
Wikidata C:Commons

A cefalea tensional ou cefalalxia tensional, tamén denominada cefalea muscular ou vasomotora, é un tipo de cefalalxia continua, non pulsátil, na que o doente adoita referir unha dor opresiva, que envolta a parte alta da testa. A duración é variábel, entre uns poucos minutos e varios días e, polo xeral, non se acompaña doutros síntomas. A presenza doutras alteracións, alén da dor, fai pór en dúbida o diagnóstico. Malia que o tratamento máis idóneo é a eliminación do factor estresante, estes pacientes adoitan consultar ao neurólogo.

Habitualmente está orixinada por unha contracción continuada polos músculo da testa e do pescozo, producíndose unha isquemia no interior do músculo en contreto. Este tensión pode ser debida a unha postura corporal incorrecta, por exposición a situacións de estrés social ou psicolóxico, ou constituír unha reacción normal ao cansamento intenso. Adoito asóciase a:

• Trastornos do sono.
• Trastornos afectivos.
• Estados de ansiedade.

As cefaleas episódicas de tipo tensional respostan polo xeral ben á medicación habitual, como son os AINEs (entre os que se demostrou que o máis útil é o ibuprofeno). Outras medicacións útiles inclúen a amitriptilina,^[1] a mirtazapina^[2], os mecanismos de biofeedback^[3][4] e o valproato sódico (coma profilaxis ou prevención).^[5] Tamén se fixeron experimentos doutros tratamentos como agora a toxina botulínica ou a acupuntura.^[6]