Estilisticamente poderíase clasificar a súa música como indie rock, indie electrónico ou "dream pop". Caracterízanse por un uso da voz rasgada e despreocupada e de sintetizadores que ás veces se reducen a simples sons de xoguetes infantiles. Os seus membros, Bianca e Sierra Casady, son irmás. Ámbalas dúas son vocalistas. Sierra toca a guitarra e a frauta, mentres que Bianca se encarga da percusión.
As dúas irmás naceron en Nova York, pero creceron separadas. Encontráronse en París en 2003 e gravaron xuntas o seu primeiro álbum: La Maison de mon Rêve, que viu a luz no 2004 co selo Touch and Go Records. Durante o 2004 non pararon de dar concertos nos Estados Unidos e Europa, xiras nas que tocaron con grupos como TV on the Radio, Bright Eyes ou Devendra Banhart.