Saltar ao contido

Galilea

Na Galipedia, a Wikipedia en galego.
Galilea
 Nome orixinal
    הגליל (he) Editar o valor en Wikidata
 Nome oficial
    הגליל (he) Editar o valor en Wikidata
Imaxe
 Instancia de
 Parte de
 Composto por
Historia
 Acontecementos importantes
Localización
 Mapas
Mapa de localización
 Coordenadas
Cifras e dimensións
 Punto máis alto
   1.208 m Monte Merón Editar o valor en Wikidata
Fontes e ligazóns
VIAF172712077 Editar o valor en Wikidata
Freebase/m/039yt Editar o valor en Wikidata
BNE: XX456910
Wikidata G:Commons C:Commons
Mapa de Galilea.

Galilea (en hebreo, הגליל ha-Galil, "a provincia" ; en árabe, الجليل al-Jalil; en latín Galilaea, do grego antigo Γαλιλαία) é unha rexión do actual estado de Israel que conta cunha importante poboación árabe. Está situada entre o mar Mediterráneo polo oeste e o lago de Xenesaret (tamén chamado lago de Tiberíades ou mar de Galilea) e o río Xordán polo leste. Ten un relevo montañoso (teñen sona o Monte Tabor, Monte Merón) e un clima chuvioso, cunha pluviosidade ata 800 mm., e unha peculiar vexetación. Nazaret e Tiberíades son dúas cidades turísticas. A súa economía baséase na agricultura, a pesca e o turismo.

O rei asmoneo Alexandre Xaneo fíxose con ela no século I antes de Cristo. Dende antigo, foi considerada polas elites xudías de Xerusalén unha terra atrasada e afastada. Durante o período helenístico e romano creouse a cidade de Séforis como metrópole principal. Moitos movementos de liberación xudía tiñan nela o seu niño (caso de Xudas o Galileo). Moitos xudeus a abandonaron trala represión romana durante as guerras xudías. Bizancio potenciou a súa sona de Terra Santa. No ano 638 os árabes ocuparon a rexión. Os cruzados de Godofredo de Bouillon recuperárana para o cristianismo ata a vitoria de Saladino en Hattin. Non foi ata 1948 cando o novo estado de Israel se fixo coa zona.

Véxase tamén

[editar | editar a fonte]

Outros artigos

[editar | editar a fonte]