Gastrite

Gastrite
Atención! Wikipedia non dá consellos médicos. Se cre que pode requirir tratamento, consúltello ao médico.
Imaxes PET da gastrite
Instancia de tipo de doenza  Subclase de doenza de estómago
Características
Especialidade médica gastroenteroloxía
Fármacos para tratamento sucralfato (pt) Omeprazole Dexlansoprazol (pt) esomeprazol (pt) lansoprazol (pt) pantoprazol (pt) ranitidina (pt)
Fontes e ligazóns Freebase /m/03y91v MeSH D005756 Thesaurus do NCI C26780 DiseasesDB 34500 CIE-11 1871672644 CIE-10 K29.7 CIE-9 535.0 MedlinePlus 001150 eMedicine 176156 OpenAlex C2778677798 e C2780561475  Descrito pola fonte Enciclopedia Soviética Armenia Meyers Konversations-Lexikon, 4ª edición (1885–1890)  Tema: Q123497824 , Q123497838 , Q123497846 Encyclopædia Britannica  Tema: 1911 Encyclopædia Britannica/Gastritis (en) Pequeno dicionario enciclopédico de Brockhaus e Efron  Tema: Q24760250 Dicionario Enciclopédico Brockhaus e Efron  Tema: Q24438077 Grande Enciclopedia Soviética (1926 - 1947)  Tema: Q105108945
Wikidata C:Commons

A gastrite^[1] é unha inflamación das mucosas gástricas. A palabra procede do grego γαστήρ (gastēr, gastro = ventre, estómago) e -ίτις (-itis, -ite = inflamación). Dependendo da causa, pode persistir de forma aguda ou crónica e pode coincidir con outras enfermidades graves como a atrofia do estómago.

As causas coñecidas da gastrite son:

• Infección bacteriana (principalmente Helicobacter pylori e outras bacterias Helicobacter).
• Infección fúnxica.
• Infección parasitaria (por exemplo por mariscos pouco cocidos).
• Infección viral.
• Refluxo biliar.
• Fármacos antiinflamatorios non esteroides.
• Tabaquismo
• Trastornos autoinmunes.
• Consumo excesivo de alcol.
• Algúns alérgenos.
• Algúns tipos de radiación.

Síntomas que poden resultar da gastrite:

• Dor abdominal.
• Hemorraxia gástrica.
• Hipoclorhidria.
• Anorexia.
• Eructos, arrotos.
• Náuseas.
• Vómitos.
• Febre.
• Cansazo.

Evítese o uso de medicamentos irritantes como antiinflamatorios e aspirinas, acudir a un médico xa que os fármacos sen receita alivian a dor pero non curan o estómago. Evitar o abuso de bebidas alcohólicas e tabaco. Existen controversias sobre o hábito de beber café e té negro que inflúe na gastrite^{[Cómpre referencia]}, polo que o seu consumo debería depender da tolerancia individual.

A mellora das condicións sanitarias, o tratamento da auga para o consumo doméstico, a hixiene persoal (lavado de mans antes de tocar os alimentos), o coidado na preparación e conservación dos alimentos, diminúe significativamente o número de vítimas de intoxicación alimentaria (gastroenterite).

O tratamento está relacionado co axente causante. Nos casos de gastrite aguda asociada ao uso de fármacos antiinflamatorios, a súa suspensión e/ou substitución, asociada ao uso de fármacos que neutralicen, inhiban ou bloqueen a secreción de ácido estomacal, é o tratamento básico.

A endoscopia, máis utilizada nos casos de gastrite aguda acompañada de hemorraxia, ademais de poder facer o diagnóstico, pode deter o sangrado aplicando diversos tratamentos locais. Non existe consenso sobre a vantaxe de tratar a bacteria Helicobacter pylori cando hai gastrite sen úlcera, xa que non se observou unha mellora significativa nos síntomas dixestivos.^{[Cómpre referencia]} Nos casos en que existe unha indicación de tratamento para a erradicación da bacteria, este consiste na administración de antibióticos e bloqueadores da produción de ácido gástrico. O tratamento da gastrite consiste en eliminar as súas causas e utilizar medicamentos baixo supervisión médica. Algúns exemplos de remedios para a gastrite son omeprazol, ranitidina e cimetidina, pero unha nutrición adecuada é moi importante para un tratamento exitoso.

A gastrite ou inflamación da mucosa do estómago, ademais de estar relacionada co consumo de alcohol, tamén se pode xerar por infeccións e pola acción de antiinflamatorios non esteroides (como a aspirina). "Nestes casos, comer amorodos durante ou despois da patoloxía podería aliviar a lesión na mucosa gástrica", suxeriu Maurizio Battino, coordinador do grupo de investigación da Universidade Politécnica das Marcas, en Italia.^{[Cómpre referencia]}