Antigamente formaba parte da provincia de Transvaal, até as eleccións multirraciais do 27 de abril de 1994. Ao principio chamouse Pretoria-Witwatersrand-Vereeniging (PWV) pero en decembro dese ano recibiu o nome actual.
Situada no corazón do Highveld (Alto Veld), Gauteng é a provincia máis pequena do país, con só un 1,4% da súa superficie, pero está altamente urbanizada.
O nome Gauteng provén da lingua sesotho,[1] e significa "Terra do ouro", en referencia á minaría deste metal precioso que se instalou na zona tras o descubrimento de 1886 en Johannesburgo. A frase en sesotho deriva do vocábulo en lingua afrikaans "goud" (ouro) máis o sufixo de lugar "-ng".[2]
Situada a unha altitude media de 1 652 msnm, a superficie da provincia é de 18 176 km2.[3]
Segundo o censo de 2011, a súa poboación era de 12 272 263 habitantes.[3][4], polo que a súa densidade de poboción nese ano era de 680 hab./km² (a maior de Suráfrica), estimándose que en 2022 sexa de
16 100 000.
