O Guaranteed Rate Field é un parque de béisbol situado no centro de Chicago, Illinois (Estados Unidos). É o estadio local dos Chicago White Sox, equipo da Liga Americana da Major League Baseball (MLB). Despois de pasar os White Sox 81 anos no Comiskey Park, trasladáronse ao Guaranteed Rate Field para a temporada 1991. No momento da súa inauguración abriu co nome de Comiskey Park, mudando en 2003 a U.S. Cellular Field debido ao patrocinio de U.S. Cellular por 68 millóns de dólares durante 20 anos.[1] Con todo, en 2016 Guaranteed Rate, unha empresa local de vivenda, comprou os dereitos durante 13 anos.[2][3] O estadio está situado xusto ao oeste da Autoestrada Dan Ryan no barrio de Armour Square e adxacente a Bridgeport.
Chicago 
