Gyromitra

Gyromitra
Nome taxon     Gyromitra Elias Magnus Fries 1822
Instancia de taxon
Características  Categoría taxonómica xénero  Tipo taxonómico Gyromitra esculenta
Clasificación taxonómica
Superreino Holomycota  Reino Fungi  Filo Ascomycota  Clase Pezizomycetes  Orde Pezizales  Familia Discinaceae  Xénero Gyromitra Fr., 1822 Gyromitra
Fontes e ligazóns Freebase /m/026p3yg OTT 806597 CoL 4S5J EOL 16386
Wikidata C:Commons

Gyromitra é un xénero de fungos ascomicetos.^[1] Son parecidos ás pantorras ou cogomelos de coresma (xénero Morchella), polo que reciben o nome nalgúns países de "falsas pantorras", pero as Morchella son comestibles e as Gyromitra frecuentemente son tóxicas, razón pola que non se deberían confundir.

O nome Gyromitra procede do grego gyro, que significa retorto, e mitra, que significa turbante, pola forma do seu píleo.

A análise do ADN ribosómico de moitos fungos Pezizales mostrou que o xénero Gyromitra debe estar máis emparentado co xénero Discina e tamén con Pseudorhizina e Hydnotrya, e está relacionado máis distantemente con Helvella. Polo tanto, os catro xéneros están agora incluídos na familia Discinaceae.^[2][3]

Algunhas especies do xénero Gyromitra son moi velenosas cando se comen crúas debido a que conteñen xiromitrina, aínda que algunhas son comestibles despois de cocidas e son apreciadas nos países escandinavos. Informouse de casos de hemólise xeneralizada despois da inxestión deste fungo, que poden orixinar insuficiencia renal. Tamén se observaron caos de metahemoglobinemia, aínda que normalmente responde ao tratamento con azul de metileno. Poden desenvolverse tamén convulsións por inhibición do neurotransmisor GABA.^[5]