Lifou

Lifou
Instancia de limestone island (en) illa  Parte de Illas da Lealdade
Localización  Situado en Lifou, Província das Ilhas Loyalty (pt) , Nova Caledonia, Francia  Bañado por océano Pacífico  OpenStreetMap  Coordenadas 20°58′00″S 167°13′59″L / -20.9667, 167.233
Cifras e dimensións  Lonxitude    81 km  Superficie    1.146 km²
Fontes e ligazóns OpenStreetMap 3222342 VIAF 315138180 Freebase /m/07s71w
Wikidata

Lifou ou Drehu no idioma local é a illa máis grande, máis populosa e máis importante das Illas da Lealdade (îles Loyauté) en Nova Caledonia un territorio de ultramar de Francia no océano Pacífico. Ten unha superficie de 1207´1 Km², e unha altura máxima de 104 m., a súa poboación era de 9.275 habitantes, censo do 2014.

En primeiro lugar descuberto polo francés Dumont d'Urville en 1857,^[1] foi pronto visitado polos baleeiros e comerciantes, e converteuse nun destino para os misioneiros protestantes e católicos para salvar ás almas das poboacións locais. En 1864 as illas foron anexadas por Francia, que á súa vez a estableceu como unha reserva aborixe.^[2] xa que non se cría adecuada para unha extensa colonización.

A illa forma parte da comuna (municipio) de Lifou, na provincia das Illas da Lealdade de Nova Caledonia. O centro administrativo da comuna atópase en Wé, no lado leste da illa de Lifou, na baía de Chateaubriand. A moeda local é o franco CFP (Franco francés do Pacífico).^[3]

De forma irregular, a illa de Lifou ten 81 km. de longo e de 16 a 24 km. de largo. A illa é plana, sen outeiros ou ríos, pero ten vexetación abundante, densas selvas interiores, chans fértiles, cantís en socalcos e impresionantes arrecifes e corais.

A illa de Lifou era un antigo atol coralino que formaba parte dun volcán mergullado. Fai case 2 millóns de anos, a illa emerxeu á súa forma e altura actual, hoxe séntase nos 60 m de media sobre o nivel do mar, no seu punto máis alto acada os 104 m.. Posto que non hai ríos en Lifou, a auga provén da choiva que penetra a través do seu chan calcario e forma estanques de auga doce.

Coas súas ricas augas do Pacífico os peixes, incluíndo cangrexos, lagostas, e tartarugas atópanse en abundancia, xunto con animais típicos criados como cabras, porcos e polos. Os cultivos inclúen coco, banano, taro, batata, ñame e a vainilla. Mentres que a introdución francesa do cultivo de café permanece.

O turismo é unha industria importante na illa. As principais exportacións inclúen copra, caucho, vainilla e cana de azucre.

O termo Kanak^[4] utilízase para chamar aos nativos das illas e a súa lingua materna da illa é o Drehu, descenden dos melanesios e polinesios.^[3] Cun total de 19 tribos diversas que habitan as tres illas da lealdade, seis das cales están en Lifou.