Lunar Reconnaissance Orbiter

Lunar Reconnaissance Orbiter
Instancia de orbitador lunar
Características  Impulsado por paneis solares de nave espacial batería de ión de litio  Tipo de órbita órbita polar  Astro pai Lúa  Tipo de órbita órbita polar
Implicados  Operador/a Goddard Space Flight Center  Fabricante Goddard Space Flight Center
Datas  Entrada en servizo 15 de setembro de 2009  Lanzamento 18 de xuño de 2009  Época 24 de fevereiro de 2024 (pt)
Historia  Acontecementos importantes 2009 lanzamento espacial (Complexo de Lançamento 41 da Estação da Força Aérea de Cabo Canaveral (pt) ) 2009 orbital activity (en) 2009 entrada en servizo
Localización  Lugar de saída Complexo de Lançamento 41 da Estação da Força Aérea de Cabo Canaveral (pt)
Cifras e dimensións  Altura    3,86 m  Anchura    2,74 m  Lonxitude    2,62 m  Masa 1.916 kg peso de lanzamento 1.018 kg peso seco  Carga útil    92,6 kg  Apoapse    107 km  Periastro    73 km  Excentricidade orbital    0,0094
Fontes e ligazóns Freebase /m/04fzq_z  Páxina WEB nasa.gov…
Wikidata C:Commons

LRO (acrónimo de Lunar Reconnaissance Orbiter) é un satélite artificial estadounidense lanzado o 18 de xuño de 2009 mediante un Atlas V desde o Centro Espacial de Cabo Cañaveral cara a Lúa.^[1][2][3]

LRO é unha sonda espacial enviada á Lúa para facer diversos estudos científicos. A súa misión principal é cartografar a superficie lunar e buscar sitios para posibles futuras aluaxes, así como buscar posibles recursos utilizables por hipotéticas misións tripuladas e estudar o contorno de radiación da Lúa.^[1][2][3]

LRO foi lanzado xunto coa sonda LCROSS o 18 de xuño de 2009. Chegou á Lúa o 23 de xuño seguindo unha traxectoria directa, entrando nunha órbita inicial cun período de 5 horas e un periapse duns 100 km. A órbita de traballo final é circular e cunha altura de 50 km.^[1][2][3]

LRO estabilízase nos tres eixos. A alimentación eléctrica é proporcionada por un panel solar de 10,7 m² que produce ata 1850 vatios de potencia que se almacenan nunha batería de ións de litio cunha capacidade de 80 amperios-hora. As comunicacións teñen lugar en banda S para a subida de comandos e para a desgarga de datos a baixa velocidade, e en banda Ka para descarga de alta velocidade (ata 300 Mbps). LRO leva ata 92 kg de instrumentación científica.^[1][2][3]

LRO leva a bordo os seguintes instrumentos científicos:^[1][2][3]

• Lunar Reconnaissance Orbiter Camera (LROC): composto por dúas cámaras monocromáticas de alta resolución (ata 1 metro) e unha cámara gran angular (100 metros de resolución) en cor e ultravioleta.
• Lunar Orbiter Laser Altimeter (LOLA): altímetro láser para medir terreos inclinados e buscar xeos polares.
• Lunar Exploration Neutron Detector (LEND): detector de neutróns para a buca de xeo de auga e caracterizar o contorno de radiación da Lúa.
• Diviner Lunar Radiometer Experiment (DLRE): radiómetro para medir a temperatura da superficie lunar e identificar trampas frías e posibles depósitos de xeo.
• Lyman-Alpha Mapping Project (LAMP): un cartografiador na lonxitude de onda Lyman alfa para estudar a superficie lunar no ultravioleta distante.
• Cosmic Ray Telescope for the Effects of Radiation (CRaTER): estuda a radiación cósmica de fondo usando plásticos nos que a radiación actúa de forma parecida a como o fai con tecido orgánico.