Ranieri Mazzilli

Ranieri Mazzilli

(1961)
Biografía
Nacemento	27 de abril de 1910 Caconde
Morte	21 de abril de 1975 (64 anos) Caconde
Causa da morte	complicacións dunha cirurxía
26º Presidente do Brasil
2 de abril de 1964 – 15 de abril de 1964 ← João Goulart – Humberto de Alencar Castelo Branco →
24º Presidente do Brasil
25 de agosto de 1961 – 7 de setembro de 1961 ← Jânio Quadros – João Goulart →
Deputado federal por São Paulo (pt)
Datos persoais
Educación	Universidade Federal Fluminense
Actividade
Lugar de traballo	Brasilia
Ocupación	político, avogado, xornalista
Partido político	Partido Social Democrático (1945) (pt)
Familia
Cónxuxe	Sílvia Mazzilli
Premios
Gran Cruz 1ª clase da Orde ao Mérito da República Federal Alemá  Ordem de Rio Branco (pt)
Sinatura

Pascoal Ranieri Mazzilli, nado en Caconde o 27 de abril de 1910 e finado en São Paulo o 21 de abril de 1975, foi un avogado e político brasileiro, presidente provisional do seu país en dúas ocasións: entre 25 de agosto e 7 de setembro de 1961, e entre 2 de abril e 25 de abril de 1964.

Ranieri Mazzilli era o presidente da Cámara dos Deputados en 25 de agosto de 1961 cando ocorreu a renuncia de Jânio Quadros, e o entón vicepresidente, João Goulart encontrábase en visita oficial á República Popular da China. Para vencer as presións de militares que desexaban impedir a toma de posesión do vicepresidente, Ranieri Mazzilli, o segundo na liña de sucesión segundo a constitución brasileira, asumiu o poder ata que se votase unha solución conciliadora, a adopción do Parlamentarismo no Brasil, retirándose a xefatura do goberno das mans do presidente. O 7 de setembro de 1961 João Goulart volveu ao país xa só como xefe de estado, e Mazzilli reasumiu o seu posto na Cámara dos Deputados.

Cando ocorreu o golpe militar de 1964, João Goulart, entón presidente, refuxiouse no Uruguai. O cargo de presidente foi declarado vacante, e novamente Ranieri Mazzilli asumiu o goberno ata a toma de posesión do primeiro presidente do novo réxime militar, mariscal Humberto de Alencar Castello Branco, o que ocorreu a 15 de abril de 1964.