Esta foi a terceira misión na que un transbordador se acoplou coa Mir. Durante ela tivo lugar unha actividade extravehicular de seis horas e trasnferíronse 862 kg de equipamento e subministracións do Atlantis á Mir, incluíndo un xirodino, un transformador, baterías, comida, auga, película e roupa. Tamén se levaron a cabo varios experimentos, como o MEFC para o estudo do campo eléctrico xerado pola estación espacial e experimentos biolóxicos da ESA.[2][3][4][5]
