Syd Barrett

Syd Barrett

(1967)
Biografía
Nacemento	6 de xaneiro de 1946 Cambridge
Morte	7 de xullo de 2006 (60 anos) Cambridge
Causa da morte	cancro de páncreas diabetes mellitus
Educación	Colexio de Artes Camberwell (1964–) Hills Road Sixth Form College (en) Universidade de Anglia Ruskin (pt) Cambridgeshire High School for Boys (en)
Actividade
Ocupación	guitarrista, poeta, cantante, cantautor
Período de actividade	1964 - 1974
Membro de	Stars (en) (1972–1972) Pink Floyd (1965–1968)
Xénero artístico	Música rock, rock psicodélico, psych folk (pt) , rock experimental, rock progresivo, space rock, Outsider music (pt) , pop psicodélico e proto-punk
Instrumento	Guitarra, Banjo, ukelele, Mandolina, slide, piano e voz
Selo discográfico	EMI Capitol Records Harvest Records
Sitio web	sydbarrett.com

Roger Keith "Syd" Barrett, nado o 6 de xaneiro de 1946 en Cambridge e finado o 7 de xullo de 2006 no mesmo lugar, foi un guitarrista, cantante e compositor británico cofundador da banda Pink Floyd en 1964 na que permaneceu ata 1968 substituído por David Gilmour. Ata a súa marcha foi o líder e principal compositor do grupo, sendo coñecido polo seu singular estilo psicodélico e pola súa escritura baseada no fluxo de conciencia.^[1] Como guitarrista, exerceu unha grande influencia grazas ao seu estilo de interpretación libre e ao uso de efectos como a disonancia, a distorsión, o eco e o feedback.

Barrett mantívose activo musicalmente durante algo máis de dez anos. Con Pink Floyd gravou os tres primeiros sinxelos, o seu álbum de debut, The Piper at the Gates of Dawn (1967), parte do seu segundo álbum, A Saucerful of Secrets (1968), e varias cancións que non se publicarían ata máis tarde. Deixou o grupo en abril de 1968, en medio de especulacións sobre unha enfermidade mental e o seu consumo de drogas psicodélicas. Ao ano seguinte, Barrett iniciou unha breve carreira en solitario co sinxelo "Octopus", ao que seguiron os álbums The Madcap Laughs (1970) e Barrett (1970), gravados coa colaboración de Pink Floyd e Soft Machine.^[2]

En 1974, Barrett deixou a industria musical, retirouse da vida pública e preservou a súa privacidade ata a súa morte. Continuou a pintar e dedicouse á xardinería. Pink Floyd gravou varias homenaxes, incluíndo a suite de cancións de 1975 "Shine On You Crazy Diamond" e partes da ópera rock de 1979 The Wall. En 1988, EMI publicou, coa aprobación de Barrett, un álbum con temas inéditos e descartes titulado Opel. En 1996, Barrett foi incluído no Rock and Roll Hall of Fame como membro de Pink Floyd. Faleceu de cancro de páncreas en 2006.

A primeira banda na que entrou Syd Barrett foi en 1961, na Geoff Mott and the Mottoes, despois estivo en The Hollering Blues en 1962 e en 1963 en Those Without, todas bandas do seu Cambridge natal, de curta vida e pouca transcendencia.

Os dous primeiros sinxelos de Pink Floyd, Arnold Layne e See Emily Play, así como o primeiro álbum The Piper at the Gates of Dawn (1967) fixéronse baixo a influencia de Barrett. Durante o seu tempo con Pink Floyd Syd Barrett comezou a experimentar coas drogas, especialmente o LSD, tensando a relación cos outros membros da banda, pesando tamén a presión por manter o nivel despois dos primeiros éxitos comerciais do grupo, e despois dunha xira desastrosa polos Estados Unidos a banda decidiu integrar a David Gilmour, antigo compañeiro de instituto de Syd, como segundo guitarrista para cubrir a Syd pero a situación non durou moito, o último concerto cos cinco membros foi o 20 de xaneiro de 1968 en Hastings, a separación oficial de Syd e os Pink Floyd foi o 6 de abril de 1968.

Syd intentou realizar unha carreira en solitario pero fallou despois de só dous álbums polo aumento do consumo de drogas que o conduciron a un comportamento caótico e á letarxia, as súas últimas gravacións de estudio datan de novembro de 1974, Syd viviu desde entón completamente retirado na súa casa de Cambridge ata a súa morte, en 1998 detectáronlle diabetes mellitus tipo 2.

Syd Barrett está na historia da música como un compositor xenial, Syd tiña a habilidade para compoñer cancións curtas e cativadoras cunha melodía e harmonía infrecuente e con efectos electrónicos na onda do rock psicodélico. Ademais, Syd Barrett participou na innovadora conexión de música rock e efectos visuais. Baixo o seu liderado, Pink Floyd desenvolveu o primeiro espectáculo con efectos de luz. Syd Barrett escribiu case todas as cancións do primeiro álbum de Pink Floyd, a súa música recibiu diversas influencias, pezas como . As súas músicas son diversas influencia musicais xuntos. Pezas como "Matilda Mother" teñen a súa inspiración en antigas cancións infantís, "Here I Go" ten semellanzas coas cancións de Music Hall. A máis famosa peza de Barrett é "Astronomy Domine" usa un acorde infrecuente (E Eb G A), esta progresión xunto co uso dunha máquina de eco Binson para a guitarra deulle un moi distintivo carácter psicodélico.

Despois da separación de Pink Floyd Barrett continuou con dous álbums en solitario "The Madcap Laughs" e "Barrett", demostrando a súa forza como compositor, cancións como "Golden Hair" ou "Happy Together" están entre as súas mellores.