Terrance Drew
  | |
| Biografía | |
|---|---|
| Nacemento | 22 de novembro de 1976 (49 anos) Saint Kitts e Nevis |
Minister of Health (en)  | |
| 13 de agosto de 2022 – ← Akilah Byron-Nisbett (en) | |
| Primeiro ministro de Saint Kitts e Nevis | |
| 6 de agosto de 2022 – ← Timothy Harris (pt) | |
| Datos persoais | |
| Educación | Paul L. Foster School of Medicine (en) Universidad de Ciencias Médicas de Villa Clara (en) Texas Tech University Health Sciences Center (en) |
| Actividade | |
| Ocupación | médico, político |
| Partido político | Partido Laborista de Saint Kitts e Nevis |
  | |
Terrance Michael Drew, nado en San Cristovo-Nevis-Anguila (hoxe Saint Kitts e Nevis) o 22 de novembro de 1976, é un médico e político de Saint Kitts e Nevis, que exerce como cuarto e actual primeiro ministro do seu país desde 2022 e como líder do Partido Laborista desde 2021.
Traxectoria
[editar | editar a fonte]Graduouse no Clarence Fitzroy Bryant College en 1996 e dende os 19 anos traballou como profesor a tempo parcial no instituto de Basseterre. En 1998 foi a Cuba para estudar Medicina e graduouse na Universidade de Ciencias Médicas de Villa Clara en Santa Clara. Posteriormente regresou a Saint Kitts para traballar como médico xeral.[1][2] En 2010 mudouse a El Paso para completar a súa residencia en medicina interna e graduouse no Centro de Ciencias da Saúde da Universidade Texas Tech en 2013.[3]
Disputou sen éxito a circunscrición número 8 polo Partido Laborista nas eleccións de 2015 e 2020, perdendo fronte a Eugene Hamilton, do Movemento de Acción Popular.
Foi elixido líder do Partido Laborista o 28 de novembro de 2021 nas eleccións á dirección celebradas na conferencia do partido, onde obtivo o 45 % dos votos emitidos.[4][2]
Nas eleccións xerais anticipadas celebradas o 5 de agosto de 2022, foi elixido membro do parlamento pola circunscrición número 8 e liderou o Partido Laborista para gañar unha maioría con seis dos once escanos no parlamento.[5] Xurou oficialmente o cargo o 15 de agosto de 2022,[6] con Drew á fronte do goberno como primeiro ministro e ostentando as carteiras de Ministro de Facenda, Seguridade Nacional, Cidadanía e Inmigración, Sanidade e Xestión de Recursos Humanos e Seguridade Social.[7] Tamén é membro do Consello Monetario do Banco Central do Caribe Oriental.[8]
En 2023, tras a coroación do rei Carlos III, Drew declarou que o seu goberno realizaría unha consulta pública sobre o movemento republicano.[9]
Notas
[editar | editar a fonte]- ↑ "Dr Terrance Drew's nomination brings him a step closer in higher service of St Christopher 8" (en inglés). 28 de maio de 2020. Consultado o 18 de abril de 2026.
- 1 2 "Who am I". drterrancedrew.com (en inglés). Consultado o 18 de abril de 2026.
- ↑ "Terrance M Drew". abim.org (en inglés). Consultado o 18 de abril de 2026.[Ligazón morta]
- ↑ "Dr. Drew Elected New Leader Of SKNLP" (en inglés). 29 de novembro de 2021. Consultado o 18 de abril de 2026.
- ↑ "SKN federal election results". sknvibes.com. Consultado o 18 de abril de 2026.
- ↑ "New SKN Labour Party Cabinet Sworn-In" (en inglés). 15 de agosto de 2022. Consultado o 18 de abril de 2026.
- ↑ "Hon. Dr. Terrance Michael Drew". Government of Saint Kitts and Nevis.
- ↑ "Communiqué of the 108th Meeting of the Monetary Council of the Eastern Caribbean Central Bank" (en inglés). 22 de xullo de 2024. Consultado o 18 de abril de 2026.
- ↑ "St Kitts and Nevis is not totally free under King Charles III, says PM" (en inglés). 8 de maio de 2023. Consultado o 18 de abril de 2026.