1692

Árið 1692 (MDCXCII í rómverskum tölum) var 92. ár 17. aldar og hlaupár sem hófst á þriðjudegi samkvæmt gregoríska tímatalinu en föstudegi samkvæmt júlíska tímatalinu sem er tíu dögum á eftir.

• Kristofer Heidemann, landfógeti, stóð fyrir því á Alþingi um sumarið að láta tjalda yfir Lögréttu með vaðmáli en áður hafði rétturinn verið haldinn undir berum himni.
• Samkvæmt annálum fundust fimm heimilismenn frá Gröf í Norður-Múlasýslu dauðir í bænum. Þeir voru allir sprungnir á kviði og líkin þrútin og uppþembd. Hjá þeim í baðstofu fannst silungur á diski. Segir í annálum að það hafi líklega verið öfuguggi, en hann var samkvæmt hjátrú baneitraðastur allra kvikinda.

• 13. febrúar - Blóðbaðið í Glencoe: Hersveitir Roberts Campbells slátruðu 38 manns úr MacDonald-klaninu í Glencoe fyrir að hafa að sögn neitað að sverja Vilhjálmi 3. hollustueiða.
• 1. mars - Galdramálin í Salem hófust í Salem í Massachusetts með því að þrjár konur voru ákærðar fyrir galdur. Þegar árið var á enda höfðu 14 konur og 5 karlmenn verið teknir af lífi fyrir sömu sakir.
• 22. mars - Kangxi, keisari Kína, leyfði trúboð kaþólikka.
• 29. maí - Níu ára stríðið: Bresk-hollenskur floti kom í veg fyrir innrás Frakka í England.
• 1.-3. júní - Englendingar og Hollendingar unnu sigur á Frökkum í orrustunni við La Hogue.
• 7. júní - Sjóflóð í kjölfar jarðskjálfta eyddi stórum hluta borgarinnar Port Royal á Jamaíku.
• 14. september - Spánverjar náðu aftur yfirráðum yfir Santa Fe frá Pueblo-frumbyggjum.
• 2. nóvember - Anne Palles var dæmd til dauða í Danmörku fyrir galdra.
• Listaháskólinn í Vín var stofnaður.