1897

Árið 1897 (MDCCCXCVII í rómverskum tölum)

• 11. janúar - Leikfélag Reykjavíkur var stofnað.
• 13. mars - Einar Benediktsson skrifaði grein í blaðið Dagskrá og lagði þar til að fáni Íslands yrði „hvítur kross í bláum feldi“.
• 4. apríl - Prentarafélag Íslands var stofnað.
• 2. maí - Franska spítalaskipið St. Paul strandaði við Klöpp í Reykjavík en náðist út.
• 7. maí - Sigfús Eymundsson sýndi talvél (grafófón), sem hann hafði keypt af Guðbrandi Finnbogasyni konsúl fyrir 300 krónur, á stúdentafundi. „Hafði hún þar upp drykkjulög, sem einhverjir dónar höfðu sungið inn í hana í Nýju-Jórvík.“ Næstu daga gátu menn svo fengið að hlusta á talvélina fyrir 25 aura.
• 1. júlí - 26. ágúst - Alþingi fundaði í Reykjavík. Valtýr Guðmundsson bar fram frumvarp um stjórnarskrárbreytingu, hina svokölluðu Valtýsku, en það var fellt í neðri deild.
• 2. ágúst - Þjóðhátíðin í Reykjavík var fyrst haldin.
• Sumarið - Englendingurinn William Gershom Collingwood ferðaðist um Ísland. Hann teiknaði og málaði myndir af sögustöðum.
• 18. nóvember - Blaðamannafélag Íslands var stofnað.
• 22. desember - Klukkan í turni Dómkirkjunnar í Reykjavík var sett upp. Hún var gjöf Thomsens kaupmanns.

• 4. mars - William McKinley tók við af Grover Cleveland sem forseti Bandaríkjanna.
• 13. maí - Guglielmo Marconi sendi fyrsta loftskeytið sem sent var yfir opið haf, frá Lavernock Point í Wales yfir Bristol-sund til Flat Holm Island, 6 kílómetra leið. Skeytið var þrjú orð: „Are you ready“.
• 19. maí - Rithöfundurinn Oscar Wilde var látinn laus úr fangelsi.
• 26. maí - Skáldsagan Drakúla eftir írska rithöfundinn Bram Stoker kom fyrst út.
• 1. júní - Bandarískir námuverkamenn gerðu verkfall sem leiddi til þess að samtök þeirra voru viðurkennd og átta stunda vinnudagur komst á í námavinnu.
• 12. júní - Fyrsta fingrafaramiðstöð heims hóf störf í Kolkata á Indlandi.
• 22. júní - Viktoría Bretadrottning fagnaði sextíu árum á valdastóli.
• 11. júlí - Svíinn S.A. Andrée lagði af stað ásamt tveimur öðrum mönnum í leiðangur í loftbelg sem átti að fljúga yfir Norðurheimskautið.
• 17. júlí - Gullæðið í Klondike hófst.
• 21. ágúst - Þýski efnafræðingurinn Felix Hoffmann bjó til heróín í fyrsta sinn. Fyrr í sama mánuði hafði honum tekist að búa til aspirín í stöðugu formi og fékk einkaleyfi á því en umdeilt er þó hvort hann var fyrstur til þess.
• 5. október - S.A. Andrée og menn hans komu til Hvíteyjar, einnar Svalbarðaeyjanna, eftir að hafa rekið þangað á ísjaka. Þeir létust allir innan fárra daga og fundust lík þeirra ekki fyrr en 1930.
• 9. desember - Marguerite Durand gaf út fyrsta tölublað franska kvenréttindablaðsins La Fronde.