Patrick Ewing

Patrick Ewing

Ewing árið 2021
Washington Wizards
Leikstaða	Aðstoðarþjálfari
Persónulegar upplýsingar
Fæðingardagur	5. ágúst 1962 (1962-08-05) (64 ára) Kingston, Jamaíka
Þjóðerni	Jamaískur / bandarískur
Hæð	213 cm (7 ft 0 in)
Þyngd	116 kg (256 lb)
Körfuboltaferill
Háskólalið	Georgetown (1981–1985)
Landslið	Bandaríkin (1984, 1992)
Ár í mfl.	1985–2002
Leikstaða	Miðherji
Þjálfaraferill	2002–nú
Liðsferill
Sem leikmaður:
1985–2000	New York Knicks
2000–2001	Seattle SuperSonics
2001–2002	Orlando Magic
Sem þjálfari:
2002–2003	Washington Wizards (aðstoðarþj.)
2003–2007	Houston Rockets (aðstoðarþj.)
2007–2012	Orlando Magic (aðstoðarþj.)
2013–2014	Charlotte Bobcats (aðstoðarþj.)
2014–2017	Charlotte Hornets (aðstoðarþj.)
2017–2023	Georgetown
2026–nú	Washington Wizards (aðstoðarþj.)
Tölfræði á NBA.com
Tölfræði á Basketball Reference

Patrick Aloysius Ewing Sr. (fæddur 5. ágúst 1962) er jamaískur og bandarískur körfuknattleiksþjálfari og fyrrum leikmaður. Á 17 ára ferli sínum sem atvinnumaður í NBA deildinni er hann þekktastur fyrir veru sína hjá New York Knicks þar sem hann lék í 15 ár en síðustu tvö tímabil sín lék hann með Seattle SuperSonics og Orlando Magic. Ewing er almennt talinn einn af bestu miðherjum í sögu NBA og var lykilleikmaður í velgengni Knicks á tíunda áratugnum er liðið fór tvívegis í úrslit deildarinnar (1994 og 1999).^[1]

Áður en hann varð atvinnumaður lék Ewing í fjögur ár fyrir Georgtown háskólann. Þrívegis komst liðið í úrslit NCAA meistarakeppninar og varð einu sinni meistari, árið 1984. Árið 2008 útnefndi ESPN hann 16. besta háskólakörfuboltamann allra tíma.^[2]

Ewing var fæddur á Jamaíku en fékk seinna bandarískan ríkisborgararétt og lék með landsliði Bandaríkjanna á tvennum Ólympíuleikum, 1984 og 1992, og vann gull á báðum.^[3]

Hann var valinn ellefu sinnum í Stjörnuleik NBA-deildarinnar og í sjö sinnum í lið ársins. Árið 1996 var hann valinn einn af 50 bestu leikmönnum í sögu NBA og sem einn af 75 bestu leikmönnum í sögu NBA árið 2021.^[4][5]