Fara í innihald

Robert Lewandowski

Úr Wikipediu, frjálsa alfræðiritinu
Robert Lewandowski
Upplýsingar
Fullt nafn Robert Lewandowski
Fæðingardagur 21. ágúst 1988 (1988-08-21) (38 ára)
Fæðingarstaður    Varsjá, Pólland
Hæð 1,85 m
Leikstaða Framherji
Núverandi lið
Núverandi lið Chicago Fire
Númer 9
Yngriflokkaferill
1997-2006 Varsovia Warszawa
Delta Warszawa
Legia II Warszawa
Meistaraflokksferill1
Ár Lið Leikir (mörk)
2005 Delta Warsaw 17 (4)
2005-2006 Legia Warsaw II 12 (2)
2006–2008 Znicz Pruszków 59 (36)
2006-2007 Znicz Pruszków II 2 (2)
2008-2010 Lech Poznań 58 (32)
2010-2014 Borussia Dortmund 131 (74)
2014-2022 Bayern München 253 (238)
2022-2026 FC Barcelona 134 (83)
2026- Chicago Fire 18 (7)
Landsliðsferill2
2007
2008
2008-
Pólland U-19
Pólland U-21
Pólland
1 (0)
3 (0)
167 (89)

1 Leikir með meistaraflokkum og mörk
talið í aðaldeild liðsins og
síðast uppfært nóv 2026.
2 Landsliðsleikir og mörk uppfærð
sept 2026.

Lewandowski árið 2009 með Lech Poznań.

Robert Lewandowski (fæddur 21. ágúst, 1988) er pólskur knattspyrnumaður sem spilar með Chicago Fire og pólska karlalandsliðinu í knattspyrnu. Hann hefur skorað yfir 320 mörk í Bundesliga og er sá næstmarkahæsti í deildinni frá upphafi. Í öllum keppnum er Lewandowski með um 760 mörk í meira en 1.120 leikjum. Hann er í 7. eða 14. sæti yfir markahæstu menn allra tíma eftir því hvaða viðmið eru notuð. Hann hefur unnið ýmis verðlaun, þ.á.m. FIFA Best-verðlaunin 2020 og 2021.[1]

Lewandowski hóf atvinnuferil sinn árið 2006 með Znicz Pruszków þar sem hann var markahæstur í 2. og 3. deildunum. Árið 2008 fór hann til efstudeildarliðsins Lech Poznań og vann með þeim deildina (Ekstraklasa) tímabilið 2009–10.

Borussia Dortmund

[breyta | breyta frumkóða]

Árið 2010 hélt Lewandowski til Þýskalands og spilaði með Borussia Dortmund frá 2010-2014. Hann vann tvo Bundesliga-titla með félaginu og varð markahæstur eitt tímabil.

Lewandowski var 8 ár með Bayern München þar sem hann blómstraði og vann 6 deildartitla, marga bikartitla og Meistaradeild Evrópu. Haustið 2015 skoraði hann 5 mörk á 9 mínútum í leik gegn VfL Wolfsburg þar sem hann kom inn á sem varamaður. Á tímabilinu 2016-2017 skoraði hann 30 mörk; var markahæstur í deildinni og var valinn leikmaður tímabilsins í Bundesliga. Tímabilið 2019-2020 varð hann markahæstur í Bundesliga og var það í fjórða skipti sem hann hlaut þann heiður. Lewandowski hlaut UEFA verðlaun sem leikmaður tímabilsins 2019-2020. Þá skoraði hann 55 mörk í 47 leikjum. Hann þótti líklegur til að hneppa Ballon d'Or en þeim var aflýst vegna COVID-19. [2] Hann hlaut einnig verðlaun FIFA sem leikmaður ársins 2020. [3] Í lokaleik tímabilsins 2020-2021 skoraði hann á síðustu mínútunni í 5-2 sigri á Augsburg. Hann sló þar með tæpt 50 ára met Gerd Müllers og náði 41 marki skoruðu á einu tímabili í Bundesliga. Í byrjun næsta tímabils náði hann 300. marki sínu fyrir Bayern og það 300. í Bundesliga. Hann sló svo aftur met Müllers þegar hann skoraði 43 mörk í deildinni á einu ári. [4]

Í maí 2022 tilkynnti Lewandowski að tími sinn hjá Bayern væri búinn. Hann var þá orðaður við Barcelona, PSG og Chelsea.

FC Barcelona

[breyta | breyta frumkóða]

Í júlí 2022 gerði Lewandowski 4 ára samning við FC Barcelona fyrir 50 milljón evrur.[5]

Hann skoraði þrennu í fyrsta meistaradeildarleik sínum fyrir félagið. Lewandowski vann La Liga á sínu fyrsta tímabili fyrir félagið og varð markahæstur í deildinni.

Lewandowski yfirgaf Barcelona sumarið 2026 og hafði þá unnið þrjá deildartitla á fjórum árum með félaginu. [6]

Lewandowski hefur spilað með landsliði Póllands frá 2008. Hann hefur verið valinn pólskur leikmaður ársins níu sinnum.

Tilvísanir

[breyta | breyta frumkóða]
  Þetta æviágrip er stubbur. Þú getur hjálpað til með því að bæta við greinina.


  1. ↑ Lewandowski - Ballon d'or er pólitík Fótbolti.net, sótt 19. ágúst, 2025
  2. ↑ Uefa awards: Bayern Munich's Robert Lewandowski wins men's Player of the Year BBC, skoðað 1. okt, 2020
  3. ↑ [https://www.bbc.co.uk/sport/football/55354762 BBC News - Best Fifa Football Awards 2020: Robert Lewandowski wins best men's player of the year] BBC, skoðað 17/12 2020.
  4. ↑ Lewandowski breaks Mullers recordBBC Sport
  5. ↑ BBC News - Robert Lewandowski: Barcelona agree deal with Bayern Munich for 50m euros BBC, sótt 19/7 2022
  6. ↑ Lewandowski yfirgefur Barcelona í sumar (Staðfest) Fótbolti.net, sótt 16. maí 2026