Actor Awards

	Actor Awards
	The Actor Awards presented by SAG-AFTRA
	; Фрэнсис Макдорманд Actor Awards сыйлығымен (2015)
Жалпы мәліметтер
Мемлекет	АҚШ
Марапат не үшін	Кино және телевизиядағы үздік актерлік жұмыстар үшін
Құрылтайшы	SAG-AFTRA
Негізі қаланды	1995
Марапаттау саны	16 номинация (13 негізгі + 3 арнайы)
Ресми сайт	Ресми сайт

«Actor Awards» (ағылш. The Actor Awards), бұрынғы атауы — Киноактерлер гильдиясының сыйлығы (ағылш. Screen Actors Guild Awards, SAG Awards) — Киноактерлер гильдиясы мен Америка телевизия және радио артистерінің федерациясы (SAG-AFTRA) тарапынан берілетін марапат. Сыйлық 1995 жылы кино мен прайм-тайм телевизиясындағы үздік актерлік шеберлікті марапаттау мақсатында тағайындалған.

Actor Awards — киноиндустриядағы ең беделді марапаттардың бірі. Бұл сыйлық «Алтын глобус» марапатымен қатар, алдағы «Оскар» салтанатының басты бағдарларының бірі болып саналады.

Сыйлықтар жекелеген актерлік шеберлікті де, сондай-ақ драмалық және комедиялық сериалдар мен көркем фильмдердің бүкіл актерлік құрамын (ансамблін) да ерекше атап өтеді.

Сыйлыққа номинанттарды кәсіподақтың екі комитеті (кино және телевизия бойынша) анықтайды. Әр комитет құрамына жыл сайын кездейсоқ таңдалатын 2100 мүше кіреді, ал жеңімпаздарды гильдияның барлық мүшелері (2012 жылғы мәлімет бойынша 165 000 адам) дауыс беру арқылы таңдайды.

2025 жылдың қарашасында марапат атауы «Actor Awards» болып өзгертілді.^[1] 2026 жылғы жағдай бойынша, «Ғашық Шекспир» мен «Шайқас артынан шайқас» фильмдері барлық тиісті санаттарда номинация алған жалғыз туындылар болып саналады,^[2]^[3] ал «Бәрі бір уақытта, барлық жерде» фильмі — төрт бірдей марапатты, соның ішінде ең үздік актерлік құрам сыйлығын жеңіп алған жалғыз фильм.^[4]

Жеңімпаздарға табысталатын, қолына комедия мен трагедия маскаларын ұстаған ер адам бейнесіндегі мүсінше ресми түрде «Актер» (The Actor) деп аталады.^[5]

Санаттар

Кино

Көркем фильмдегі үздік актерлік құрам (ағыл.)қаз.
Басты рөлдегі үздік актер (ағыл.)қаз.
Басты рөлдегі үздік актриса (ағыл.)қаз.
Көмекші рөлдегі үздік актер (ағыл.)қаз.
Көмекші рөлдегі үздік актриса (ағыл.)қаз.
Көркем фильмдегі үздік каскадерлер ансамблі (ағыл.)қаз.

Телевизия

Арнайы марапат

Шығармашылық жетістіктері үшін сыйлық (ағыл.)қаз.

Дереккөздер

↑ SAG Awards will change name to Actor Awards in 2026, CBS News (November 14, 2025). Тексерілді 6 желтоқсанның 2025.
↑ Higgins, Bill 'Shakespeare' doth nab 5 of SAG noms (ағыл.). Variety. (27 қаңтар 1999). Тексерілді, 24 ақпан 2022.
↑ Lattanzio, Ryan 'One Battle After Another' Dominates SAG Actor Award Nominations with 7, 'Sinners' Scores 5 (ағыл.). IndieWire. (7 қаңтар 2026). Тексерілді, 7 қаңтар 2026.
↑ Coyle, Jake 'Everything Everywhere All at Once' dominates at SAG Awards (ағыл.). AP News. (27 ақпан 2023). Тексерілді, 27 ақпан 2023.
↑ Screen Actors Guild Awards: Rules. Басты дереккөзінен мұрағатталған 24 қыркүйек 2015. Тексерілді, 24 қаңтар 2010.

[1] SAG Awards will change name to Actor Awards in 2026, CBS News (November 14, 2025). Тексерілді 6 желтоқсанның 2025.

[2] Higgins, Bill 'Shakespeare' doth nab 5 of SAG noms (ағыл.). Variety. (27 қаңтар 1999). Тексерілді, 24 ақпан 2022.

[3] Lattanzio, Ryan 'One Battle After Another' Dominates SAG Actor Award Nominations with 7, 'Sinners' Scores 5 (ағыл.). IndieWire. (7 қаңтар 2026). Тексерілді, 7 қаңтар 2026.

[4] Coyle, Jake 'Everything Everywhere All at Once' dominates at SAG Awards (ағыл.). AP News. (27 ақпан 2023). Тексерілді, 27 ақпан 2023.

[5] Screen Actors Guild Awards: Rules. Басты дереккөзінен мұрағатталған 24 қыркүйек 2015. Тексерілді, 24 қаңтар 2010.

[1]

[2]

[3]

[4]

[5]