2023

Annus 2023 e serie paginarum brevium de annis.

2023 = MMXXIII. De nostro numerorum Romanorum usu hic legere potes. Ut de numero 2023 legas, vide 2023 (numerus).

• 6 Februarii - Confinium Turciae et Syriae a serie gravissimorum terrae motuum magnitudinum usque 7.8 percutitur. Die 13 Martii quinquaginta quinque fere milia hominum necatorum et centum undecim milia vulneratorum deferuntur.
• 15 Martii - Freddy, diutissimus typhon marinus umquam observatus, post iter 36 dierum trans totum oceanum Indicum peractum in Mozambico evanescit. Plus quam quadringentos homines necaverat.
• 14 Aprilis - India Rem publicam popularem Sinarum quoad numerum incolarum superat, ut iam numerosissima civitas mundi fieret.
• 5 Maii - Rector ordinis sanitarii mundialis necessitatem universalem sanitariam propter COVID-19 pandemiam ante tres annos pronuntiatam abrogat. Ducentiens centena milia (20 000 000) hominum hac pandemia periisse dicuntur.
• 6 Maii - Carolus III, rex Britanniarum, in abbatia Westmonasteriensi coronatur unguiturque. Uxor eius Camilla pariter coronatur.
• 28 Maii - Recep Tayyip Erdoğan praeses Turciae reeligitur.
• 6 Iunii - Moles Cachovka flumen Danaprem in Ucraina obstruens post diruptionem in officina energetica factam collabit. Multi consilium bellicosum suspicantur. 29 oppida in utroque latere Danapris inundantur.
• 23 Iunii - Eugenius Victoris filius Prigozhin cum grege "Wagner" a se condita, cui ipse praeest, urbem Rostoviam ad Tainam occupat et contra Sergium Šoigu, ministrum defensionis, atque Valerium Gerassimov, imperatorem copiarum publicarum Russicarum, insurgit.
• 31 Iulii - Iulio 2023 temperatura media totius superficiei telluris (16.63 °C) maxima umquam relatarum erat.
• 8 Augusti - Magnum incendium Lahaina in Maui Havaiiorum vastat, 102 homines necat.
• 8 Septembris - Regio Marrochii et Safi atque aliae partes Maroci a terrae motu magnitudinis 6.8 percutuntur. Multa aedificia corruuntur paene tria milia hominum necantia.
• 10 et 11 Septembris - Cyclon marinus Daniel cum imbribus fortissimis oras Libyae aggreditur et inundationem in his locis adhuc invisam facit; plus quam 11 milia hominum in undis pereunt.
• 19 et 20 Septembris - Carabachia Montana ab exercitu Atropatenico capta esse videtur.
• 24 Septembris - Speculatrum spatiale OSIRIS-REx rudus ante duos annos ab asteroide 101955 Bennu captum in capsula ad terram iactat.
• 28 Septembris - Samuel Schahramanian praeses rei publicae Orchistenae quintus decretum edidit, quo rem publicam, ab exercitu Atropatenico victam, a 1 Ianuarii anni 2024 abrogaret. Incolae Orchistenae omnes, plures quam 100 milia, domus suas relinquunt, Armeniam ut exules petentes.
• 7 Octobris - Commotio rebellionis Islamicae Hamasiae milibus missilium igneorum necnon viribus pedestribus Israelem e lacinia Gazetica aggreditur, et multos homines trucidat. Deinde Israel bellum adversus Hamasiam indicit.
• 19 Novembris - Xaverius Gerardus Milei praeses Argentiniae eligitur.
• 3 Decembris - plebiscitum Venetiolanum omnes Guianae terras usque ad Essequebiam fluvium Venetiolanas esse agnovit; a saeculo XIX harum terrarum status dubius est, sed petroleum in planitie litorali hic anno 2019 inventum est.
• 16 Decembris - Ioannes Angelus Becciu cardinalis ab iudicio Civitatis Vaticanae ad quinque annos et sex menses carceris damnatus est; primus est cardinalis sic punitus.

Nati huius anni desiderati (additis natis, hanc formulam remove, vide etiam 0 fere paginas in categoria Categoria:Nati 2023)

• 10 Ianuarii - Constantinus II, proximus rex Graecorum (1964-1973).
• 14 Ianuarii - Inna Čurikova, actrix Russica; nata est anno 1943.
• 16 Ianuarii - Gina Lollobrigida, actrix Italica; nata anno 1927.
• 10 Februarii - Carolus Saura, dispositor cinematographicus et scriptor Hispanicus.
• 26 Februarii - Curtius Maltese, scriptor et diurnarius Italicus; natus est anno 1959.
• 19 Februarii - Pohiva Tuʻiʻonetoa, vir politicus Tongae; natus est anno 1961.
• 22 Martii - Lucia Salani, activista transgener Italica; nata est anno 1924.
• 25 Martii - Paschalis Mocumbi, medicus et politicus Mozambicensis; natus est anno 1941.
• 3 Aprilis - Nigellus Lawson, vir politicus Britannicus; natus est anno 1932.
• 25 Aprilis - Harrius Belafonte^(en), illustrissimus musicus, actor et defensor iurum civilium Americanus.
• 28 Maii - Isa Barzizza, actrix Italica; nata est anno 1929.
• 10 Iunii - Theodorus Kaczynski, tromocrates Americanus, qui dicitur Unabomber; natus est anno 1942.
• 12 Iunii - Silvius Berlusconius, olim praeses Consilii ministrorum Italiae; natus est anno 1936.
• 11 Iulii - Milanus Kundera, scriptor Bohemicus qui nationalitatem Francogallicam acquisit; natus est anno 1929.
• 26 Iulii - Ioanna O'Connor, cantrix et activista Hibernica; nata est anno 1966.
• 5 Augusti - Helena Carrère d'Encausse, scriptrix Francogallica; nata est anno 1929.
• 22 Augusti - Salvator Cutugno, cantor Italicus; natus est anno 1943.
• 23 Augusti - Eugenius Prigožin una cum vicario suo Demetrio Utkin in regione Tueriensi aëroplano displodente necatur.
• 4 Septembris - Ferid Murad, medicus et pharmacologus Americanus; natus est anno 1936.
• 22 Septembris - Georgius Neapolitanus, pristinus praeses rei publicae Italiae; natus est anno 1925.
• 7 Octobris - Sergius Gredescul, physicus Ucrainicus et Israëlianus, physicae systematum inordinatorum doctissimus.^[1][2]
• 7 Octobris - Shani Louk^(d), iuvenis mulier Germano-Israëliana a tromocratibus Hamasiae occisa.
• 13 Octobris - Ludovica Glück, poëtria Americana; nata est anno 1943.
• 27 Octobris - Li Keqiang, pristinus praeses consilii civici rei publicae popularis Sinarum.
• 31 Octobris - Lea Ackermann, monacha Theodisca; nata est anno 1937.
• 11 Novembris - Iulia Cecchettin^(it), alumna Almae Matris Patavinae, barbare occisa ab amatore pristino Philippo Turetta.
• 29 Novembris - Henricus Kissinger, pristinus Civitatum Foederatarum Secretarius Civitatis centum annos natus.
• 6 Decembris - Marisa Pavan, actrix Italica; nata est anno 1932.
• 8 Decembris - Iosephus Pagani, diurnarius, moderator radiophonicus et poeta dialecticus Italicus; natus anno 1937.
• 27 Decembris - Iacobus Delors, olim minister a rebus oeconomicis Francicus (praeside Francisco Mitterrand), deinde praeses Commissionis Europaeae.
• 31 Decembris - Eddie Bernice Johnson, mulier politica Americana; nata est anno 1935.