Ceramia

Ceramia^[1] (Indonesice Seram^[2]) est insula Indonesiae; una insularum Moluccarum est. Aream 17100 chm² habet. Inter Novam Guineam in oriente et insulam Buru in occidente sita est; Amboina insula minor, sed plus nota Ceramiae litori austroccidentali adiacet. Mare Ceramense litora Ceramiae borealia alluit, a Halmahera eam separans.

Montibus haud altis et silva tropica insula operta est. Endemicae avium species Ceramiae sunt Eclectus roratus, Lorius domicella, Cacatua moluccensis, Todiramphus lazuli, Todiramphus sanctus, Philemon subcorniculatus, et Alisterus amboinensis. Inter animalia, Ceramiae iam Marsupialia inveniuntur, quorum rariores Rhynchomeles prattorum et Rattus feliceus sunt.