Torii

Torii
鳥居
Torii Kuil Itsukushima di Miyajima katiko aia lauik pasang
Fungsi
Jinih	Gerbang tradisional Japang
Agamo	Shinto
Kagunaan	Manandoi bateh antaro kawasan suci jo dunia saari-hari.[1]
Bantuak jo bahan
Ciri utamo	Duo tiang tagak jo balok malintang di atehnyo
Bahan	Kayu atau batu
Ragam bantuak	Shinmei: balok ateh luruih. Myōjin: kaduo ujuang balok ateh malengkuang ka ateh.

Torii (鳥居) di Kuil Shinto adolah pambateh antaro daerah tampek manusia tingga jo daerah suci tampek kami tingga. Salain dari itu, bangunan ko bafungsi sabagai pintu gerbang kuil.^[2]

Bantuak torii babantuak duo batang sajajar nan didukuang dek duo tiang vertikal. Bangunan-bangunan iko umumnyo dicat merah tarang, dan kadang-kadang indak dicat (warna asli bahan bangunan).^[3]

Walaupun labiah umum ditamukan di pintu masuak kuil-kuil Shinto, torii dapek juo ditamukan di makam-makam kaisar jo babarapo kuil Buddha di Japang. Simbol torii pado peta Japang manunjuakan lokasi-lokasi tampek kuil-kuil Shinto talatak

Asa mulo torii takaik jo tambo Japang kuno. Amaterasu sangaik berang ka adiaknyo nan manjengkelkan. Amaterasu manyuruak di guo batu nan banamo Ama no iwato. Pintu masuak guo ditutuik jo batu karang sahinggo tajadi gerhana matoari. Urang-urang jadi takuik, kalau matohari indak basinar lai. Ateh pituah urang bijak, sadonyo naganaki tokoyo no tori (ayam jantan) dikumpuakan dan disuruah bakukuak. Amaterasu nio mancigok ka lua karano nio tahu baa mangko ayam jantan tu bakukuak. Dibukaknyo batu nan manutuik pintu masuak guo tu saketek. Atlet sumo gadang tu lalu mandorong jo kakuatan batu tu sampai gua tabukak. Matoari mancogok baliak dan dunia salamaik. Pohon tampek ayam jantan tabang, dilatakkan di muko altar, kabanyo adolah bangunan torii nan partamo.^[4]

Sabuah torii umumnyo tadiri dari duo tiang vertikal nan mandukuang duo palang silang nan sajajar di bagian ateh struktur. Palang ateh mungkin tadiri dari duo palang nan basusun nan disabuik palang kasagi jo palang shimagi, sadangkan palang bawah disabuik palang nuki. Jikok dipasang papan namo kuil (gakuzuka), inyo dilatakkan di antaro palang shimaki jo palang nuki.^[5]

Dari segi bantuak, torii umumnyo tabagi manjadi duo bantuak: bantuak shinmei jo bantuak myōjin. Kaduonyo marupoan bantuak dasar dari babagai gaya torii.

Kabanyakan torii disumbangkan dek para pangabdi kuil, sahinggo bantuak torii juo tagantuang pado kainginan panyumbang. Kasuga torii dapek juo didirikan di Kuil Kashima, dan indak punyo hubungan jo kami nan disambah.

Torii juo digunoan untuak manunjuakan hubungan antaro kuil-kuil Shinto nan sarupo, misalnyo torii babantuak Yasukuni tadapek di Kuil Yasukuni jo babagai Kuil Gokoku nan tadapek di banyak tampek di Japang, sadangkan torii babantuak sannō tadapek di Kuil Hie, Kuil Sannō, jo Kuil Hiyoshi.

• 
  Torii Kuil Itsukushima di Miyajima katiko aia lauik pasang
• 
  Torii Itsukushima tampak dari koridor timua kuil katiko aia lauik suruik
• 
  Deretan gerbang Senbon Torii di Fushimi Inari Taisha, Kyoto
• 
  Torii di pintu masuak Kuil Meiji, dakek Stasiun Harajuku, Tokyo

1. ↑ Torii 鳥居. Japanese Architecture and Art Net Users System (JAANUS).
2. ↑ https://repositori.usu.ac.id/handle/123456789/11671
3. ↑ "12 Gerbang Torii Paling Unik di Jepang yang Akan Membawa Anda ke Dunia Misteri dan Ajaib". tsunagu Japan (dalam bahasa Indonesia). 2020-12-23. Diakses tanggal 2026-11-13. 
4. ↑ "Torii Gate". Preservation Partners of the Fox Valley (dalam bahasa Inggris). Diakses tanggal 2026-11-13. 
5. ↑ "The Torii Gate". The Gardens at Lake Merritt (dalam bahasa Inggris). Diakses tanggal 2026-11-13.